Tur me Bashën në vendet e BE, Rama: Do ishte shumë e vlefshme nëse ndodh
Kryeministri pret homologun belg, merr mbështetjen për negociatat "Shqipëria e madhe"? Ka vetëm një gjë, Evropa e madhe"
Kryeministri Edi Rama u shpreh i gatshëm për të nisur së bashku me kreun e PD- së, Lulzim Basha një "tur evropian" për të kërkuar mbështetjen e vendeve të BE- së për çeljen e negociatave në qershor. Gjatë një konference të përbashkët me Kryeministrin e Belgjikës, Charles Michel, në Tiranë Kryeministri refuzoi të komentojë për opozitën, ndërsa u pyet se a do ishte dakord të ndërmerrte një tur të përbashkët me zotin Basha në kancelaritë kryesore të BE- së. "Ju e dini që unë nuk flas asnjëherë për opozitën në gjuhë të huaj, kështu që përgjigja ime shumë shkurt, është që pyetja juaj nuk ka nevojë për përgjigje, pasi patjetër do të ishte vërtetë një gjë shumë e vlefshme, nëse ajo do të ndodhte",- u shpreh Rama. Ndërkohë, lidhur me bisedën që pati me homologun e Belgjikës, Rama tha se ndanë mendimin se me marrjen e rekomandimit nga BE, nis një fazë e re për vendin. Kryeministri belg Michel ka dhënë mbështetjen dhe inkurajimet e tij për Shqipërinë. "Ne besojmë që Shqipëria meriton një vendim për të hapur negociatat. Natyrisht jemi të vetëdijshëm që hapja e negociatave nuk është fundi i përpjekjeve tona, por është fillimi i një faze të re dhe të gjatë përpjekjesh. Kemi besim se në këtë përpjekje kemi edhe mbështetjen e Belgjikës dhe të miqve dhe partnerëve tanë europianë",- theksoi Rama.
Nga ana e tij, kryeministri i Belgjikës tha se, "Belgjika e konsideron Shqipërinë si një vend të sigurt dhe është e rëndësishme të punojmë së bashku për të lëshuar mesazhe inkurajuese, për të parandaluar format e migracionit ilegal. Punojmë të kapur dorë për dore",- tha ai. "Ne vlerësojmë gjithashtu, me të drejtë, përpjekjet e rëndësishme që janë ndërmarrë nga qeveria e drejtuar nga Edi Rama në fushën e shtetit të së drejtës, në fushën e reformës në drejtësi. Do vazhdojmë të inkurajojmë këto përpjekje kaq të rëndësishme, që shihen nga qeveria belge si shumë të rëndësishme. Këto nuk janë të lehta për t'u zhvilluar dhe në kapacitetet e përafrimit me
Bashkimin Europian",- u shpreh kryeministri i Belgjikës. "Nuk mund të them tani vendimin zyrtar, por Belgjika do shprehet në muajin qershor. Megjithatë, me shumë qartësi, me shumë vendosmëri them se ne dëshirojmë në një mënyrë apo në një tjetër të vazhdojmë përpjekjet për afrimin me Bashkimin Europian, gjithashtu, aftësinë, mundësinë për të thelluar reformat brenda Bashkimit Europian dhe për të nxitur thellimin e përpjekjeve brenda Shqipërisë, për të dhënë një sinjal perspektivash pozitive optimiste
dhe të marrim parasysh përgjegjësitë në zbatimin e reformave në mënyrë që të integrohemi edhe më shumë. Ky është një parim i rëndësishëm për Bashkimin Europian",- tha Michel. Ai shtoi se vizita e tij ishte "një sinjal miqësie, një sinjal respekti, vlerësimi për përpjekjet e rëndësishme që janë kryer". Ndërkaq, kryeministri Rama i pyetur nëse Shqipëria duhet të saktësojë një herë e mirë ëndrrat e disave për një Shqipëri të madhe, një afrim me Kosovën, u shpreh: "Para së gjithash dua të theksojmë me forcë se ka vetëm një gjë të Presidenti i Këshillit Europian, Donald Tusk vjen sot, rreth orës 12: 40 në Tiranë, në kuadër të një turi ballkanik. Ai do të takohet me kryeministrin Edi Rama e më pas ata do të kenë një konferencë shtypi rreth orës 13: 15 minuta. Presidenti i KiE, Donald Tusk do vijojë vizitën në Malin e Zi e më 25 do të jetë në Serbi.
madhe në të ardhmen e Shqipërisë dhe të shqiptarëve, është Europa e madhe me shqiptarët brenda, qofshin shqiptarët e Shqipërisë, apo të Kosovës, apo shqiptarët e të gjithë rajonit në vendet e tjera ku ata jetojnë". Duke folur për reformën në drejtësi, Rama i tha kryeministrit belg se janë 21 gjyqtarë që nuk e kanë kaluar vetingun, ndërsa shtoi: "Jemi shumë të ndërgjegjshëm se kjo rrugë është e gjatë, duhet që pas pastrimit, ky sistem të funksionojë dhe të japë shembullin e një funksionimi si në të gjitha vendet europiane".