Sonila Qato, konsultim me sipërmarrjen për sistemin fiskal
Ministrja e Shtetit ndërmjetëson zgjidhjen e ngërçit
Ministria
e Shtetit për Mbrojtjen e Sipërmarrjes, Sonila Qato, ka organizuar një seri takimesh me grupet interesit dhe ministritë përgjegjëse në fushat respektive në lidhje me problematikat që hasin bizneset në ushtrimin e aktivitetit të tyre. Konsultimet po kryhen në kuadër të procesit për reformën e deregullimit, ku bizneset kanë dhënë sugjerimet e tyre në lidhje me ndryshimet ligjore që duhet të ndërmarrë qeveria për përmirësuar kushtet e të bërit biznes në vend. Në fjalën e saj gjatë takimit me përfaqësues të biznesit Min- istrja Qato bëri të ditur se të gjitha shqetësimet dhe problematikat që do të ngrihen nga përfaqësuesit e grupeve të biznesit ne do t'i ndajmë sipas fushave të përgjegjësisë për të marrë më pas zgjidhjen për ato çështje që mund të zgjidhen brenda kuadrit ligjor në fuqi. Ministrja e Shtetit për Mbrojtjen e Sipërmarrjes Sonila Qato, zhvilloi një takim me: Bashkimin e Prodhuesve Shqiptarë, Shoqatën Shqiptare të Turizmit, Dhomën e Tregtisë dhe Industrisë, Forumin Kombëtar të Biznesit, Shoqatën e Transportuesve Kombëtarë dhe Ndërkombëtarë të Udhëtarëve, Shoqatën Shqiptare të Operatorëve Turistikë, Këshillin e Agrobiznesit Shqiptar dhe Bashkimin e Industrialistëve. Në takim, me ftesë të ministres Qato, ishin të pranishëm edhe dy zëvendësministrat e Financave dhe Ekonomisë, Albana Shkurta dhe Elton Haxhi. Takimi u zhvillua në kuadër të reformës së deregullimit, ku përfaqësuesit e grupeve të biznesit ngritën shqetësimet e tyre sipas fushave ku ata kryejnë aktivitetin ekonomik. Ministrja e Shtetit për Mbrojtjen e Sipërmarrjes, znj. Sonila Qato garantoi bizneset se çdo problem i ngritur prej tyre gjatë takimit do të trajtohet institucionalisht për të gje- tur zgjidhje. Gjatë tryezës sektoriale mbi ekonominë u diskutua mbi problematikat lidhur me sistemin fiskal dhe marrjen parasysh të vërejtjeve dhe sugjerimeve të grupeve të interesit në hartimin dhe përgatitjen e ligjeve për të bërë të mundur implementimin sa më të drejtë të tyre. Prob- lemet kryesore që ngritën përfaqësuesit e bizneseve ishin: rimbursimi i TVSHsë për karburantin për transportin publik, zbatimi i ndryshimeve ligjore për TVSH- së në sektorin e hotelerisë, TVSh- je për fasonët, taksa mbi truallin për fabrikat, taksa e ambalazhit etj.