Vrasja në Kamëz, apeli i Metës: Autorët të kapen urgjentisht
Presidenti dhe kreu i PD ngushëllojnë familjen Buci: Më shumë garanci për qytetarët Basha: Qeveria, në shërbim të kriminelëve
Presidenti i Republikës, Ilir Meta dhe kreu i PD- së, Lulzim Basha u shprehën dje ngushëllimet familjes së qytetarit Agim Buci nga Kamza, i cili humbi jetën tragjikisht mbrëmjen e së mërkurës në përplasje me bandat e krimit, të cilët kishin shkuar për ta grabitur. Nëpërmjet këshilltarit të tij për pushtetin vendor, Ylli Asllani, Meta teksa dënon me forcë ngjarjen, kërkon arrestimin e menjëhershëm të autorëve të krimit dhe nxjerrjen e tyre para drejtësisë. "Presidenti Meta i uron shërim të shpejtë Merita Bucit, bashkëshortes së të ndjerit, e cila mbeti e plagosur në këtë ngjarje të rëndë. Presidenti Meta duke dënuar me forcë këtë ngjarje, apelon kapjen e menjëhershme të autorëve të krimit, nxjerrjen e tyre para drejtësisë dhe dënimin me të gjithë fuqinë e ligjit. Presidenti Meta apelon se duhet bërë ende më shumë për të garantuar sigurinë e jetës, paqen sociale, pronën e biznesin përballë një problemi madhor siç është krimi, që vazhdon të sfidojë shtetin, por edhe të marrë jetë të pafajshme njerëzish, në mes të qyteteve tona. Presidenti Meta do të mbështesë dhe do t'u gjendet pranë gjithmonë katër fëmijëve dhe familjarëve të Agim Bucit", tha këshilltari i z. Meta. Edhe kryetari i PD, Lulzim Basha, vizitoi dje familjen e Agim Bucit, pronarit 52- vjeçar të marketit që mbeti i vrarë si pasojë e tentativës së grabitjes në dyqanin e tij në Kamëz. Basha takoi familjarët e viktimës, të cilëve u shprehu ngushëllime për ngjarjen. Para mediave Basha lëshoi akuza në adresë të policisë për nivelin e kriminalitetit në vend. Lideri demokrat e cilësoi këtë ngjarje si vazhdimësinë e lidhjes së politikës me krimin dhe mungesën e profesionalizimit të Policisë së Shtetit për t'u përballur me elementët kriminalë. "Pasiguria e familjeve shqiptare, pasiguria e biznesit të vogël ka marrë përmasa tronditëse, ku në më pak se 4 javë jo vetëm grabitjet janë bërë lajmi i përditshëm, por për fat të keq ato janë shoqëruar me vrasje barbare, siç ishte rasti i mbrëmshëm në Kamëz apo ai në Fier para disa javësh. Kjo është dëshmi e dorëzimit dhe dështimit të shtetit dhe rendit publik dhe një apel i fortë për të lënë paradat, fjalimet boshe dhe proceset fasadë, sepse nuk ka polici në shërbim të qytetarëve kur kemi ministra në shërbim të kriminelëve", tha kreu i PD- së. Basha bëri të qartë gjithashtu se përqasja e PD është zero tolerancë për krimin, por kjo sipas tij duhet të nisë me pastrimin e politikës nga krimi, duke nisur nga kryeministri dhe ministri i Brendshëm. "PD do të jetë në krah të familjes Buci, të familjarëve të tjerë që kanë vuajtur grabitjet e përditshme dhe kanë humbur të "Duke i shprehur ngushëllimet familjes Buci për humbjen tragjike, dënoj me ashpërsinë më të madhe qeverinë e drogës dhe krimit në tërësi dhe Fatzi Xhafajn në veçanti, për lidhjet e tyre me krimin dhe për dështimin e plotë të narkopolicisë së shtetit në garantimin e rendit dhe sigurisë së jetës së qytetarëve", tha z. Berisha.
dashurit e tyre. Përqasja jonë do të jetë tolerancë zero ndaj krimit, grushti i hekurt në zemër të krimit, por kjo duhet të nisë me pastrimin e politikës nga krimi, me shkëputjen e lidhjeve kriminale duke nisur nga kryeministri, ministri i Brendshëm e deri tek drejtorët e policisë dhe policët e thjeshtë", deklaroi z. Basha.