Krichbaum, Ramës: Shqipëria nuk është gati për negociatat
Rekomandimi, deputeti i Merkelit: I thashë në sy kryeministrit, është ende herët "Reformat e deritanishme, të pamjaftueshme"
Gunther Krichbaum, deputeti i Bunde stagut gjerman nuk tërhiqet nga qëndrimi i mëparshëm se Shqipëria nuk është gati për hapjen e negociatave për anëtarësimin në Bashkimin Evropian. Një gjë të tillë ia ka shprehur edhe kryeministrit shqiptar, Edi Rama gjatë takimit të zhvilluar së fundmi në Berlin. Krichbaum, përmes një statusi në "Facebook" sqaroi se çfarë i ka bërë të qartë shefit të qeverisë shqiptare lidhur me negociatat e vendit tonë me BE- në. Për deputetin gjerman, reformat e bëra deri tani janë të pamjaftueshme. Kryetari i Komisionit Parlamentar për Çështjet e Bashkimit Europian në Bundestagun gjerman, Gunther Krichbaum përmes një statusi në ' Facebook' shprehet se i ka thënë kryeministrit shqiptar Edi Rama dje se kërkesa për hapjen e negociatave është e parakohshme. Sipas, Gunther Krichbaum reformat e ndërmarra nga Shqipëria nuk janë të mjaftueshme. "Dje ( pardje) kam takuar kryeministrin e Shqipërisë Edi Rama në Bundestag. Personalisht i kam thënë atij se unë mendoj se hapja e negociatave të pranimit në BE është e parakohshme në këtë fazë. Reformat e nisura ende nuk janë të mjaftueshme",- shprehet deputeti gjerman. Menjëherë pasi u dha lajmi i rekomandimit pozitiv për Shqipërinë nga Brukseli, Gunther Krichbaum tha për radion gjermane DW: "… nuk mjafton vetëm rekomandimi i Komisionit të BE- së për hapjen e kapitujve të anëtarësimit". Ai nënvizoi se parlamenti gjerman do të lexojë edhe "raportin e Transparency International, raportin e World Bank dhe raporte të tjera ndërkombëtare". Por pas kësaj deklarate, kreu i qeverisë, Edi Rama shigjetoi kreun e opozitës Lulzim Basha si furnizues të propagandës kundër hapjes së negociatave duke i kërkuar që të paktën deri në qershor, të ndalojë baltën ndaj vendit. Gjatë qëndrimit në Gjermani në vizitën dy ditore kryeministri shqiptar Edi Rama zhvilloi një takim me kancelaren gjermane Angela Merkel, ndërsa u zhvillua një seancë edhe në Komisionin parlamentar për çështjet e Bashkimit Europian në Bundestagun gjerman, që drejtohet pikërisht nga Gunther Krichbaum. Gunther Krichbaum është deputet i partisë së Kancelares Angela Merkel, prej vitesh, kryetari i "Unë kam takuar kryeministrin e Shqipërisë, Edi Rama, në Bundestagun e Gjermanisë. Me këtë rast, personalisht i thashë atij se unë mendoj që hapja e bisedimeve të pranimit të Shqipërisë në BE është e parakohshme në këtë fazë. Reformat e mëparshme ende nuk janë të mjaftueshme".