Falimentimi i ' Gulf', ekspertët: Strategji kundër kompanive që vijnë nga parajsat fiskale
Kompania, 313 mijë euro detyrime edhe në Drejtorinë e Tatimeve
Ekspertët
e ekonomisë kërkojnë që qeveria të marrë masa për të mos lejuar hyrjen në sektorët strategjikë kompani të regjistruara në parajsat fiskale, pasi institucionet nuk kanë mundësi të identifikojë pronarët e vërtetë të tyre. Nisur nga rasti i mashtrimit të firmës Sun Petroleum Albania, e cila ka tregtuar naftë nën logon e Gulf, Zef Preçi, thotë se edhe kur kompanitë janë offshore, qeveria ka të drejtë të kërkojë të dhëna dhe garanci përpara licencimit të tyre. Gjergj Buxhuku, administrator i Konfindustrisë, sqaron se në momentin që do të diheshin pronarët e vërtetë, atëherë organet hetimore do të bllokonin
PRONARËT ANONIMË
Pronarët e vërtetë të kompanisë me firmën “Universal Energy Group” janë të panjohur, pasi shoqëria rezulton e regjistruar në ishujt Virxhin të njohura si parajsa fiskale.
edhe pasuritë e personale të aksionerevë, për të dëmshpërblyer më pas qytetarët. Një javë më parë, kompania e naftës ' Gulf' mbylli të gjitha pikat e saj, ndërkohë që kishte shitur gjatë javëve të fundit mijëra litra naftë me tollona me çmim 40% më të lirë se tregu e duke mash-
truar qindra qytetarë e biznese, të cilët nuk kanë marrë asnjë zgjidhje. Drejtoria e Tatimeve ka lëshuar një urdhër ku kërkon mos tjetërsimin e pronave të shoqërisë Sun Petrolium Albania, e cila ka tregtuar në pikat e karburanteve naftë nën logon "Gulf". Shoqëria rezul- ton debitore në shumën e 313 mijë euro ndaj administratës tatimore për taksën e TVSHsë në masën e 190 mijë eurove, ndërsa po ashtu nuk ka paguar detyrime të tatimit në burim dhe kontributeve shoqërore. Për këto arsye Drejtoria e Tatimpaguesve të Mëdhenj ka vendosur edhe penalitete e ka dërguar shkresë për shlyerjen e debisë, por sërish firma nuk ka paguar asgjë. Tatimet kërkojnë të mos lejohet tjetërsimi i pasurive të firmës Sun Petrolium, deri në vjeljen e detyrimeve të saj. Por mashtrimi i firmës "Gulf" nuk ka ndodhur vetëm ndaj autoriteteve fiskale. Qindra qytetarë kanë blerë javët e fundit tollona naftë me çmime të lira, por sot kanë në dorë vetëm letra pa vlerë. Sipas burimeve nga policia, deri tani vlera e kallëzimeve të bëra arrin shumën e 80 mijë eurove, ndërsa dysho- het që kompania të ketë tregtuar tollona në masën e 1 milionë litrave. Administratori i karburanteve "Gulf" ka njoftuar dorëheqjen në bordin e aksionerëve që prej datës 9 prill të këtij viti, por edhe përgjatë kësaj periudhe firma ka vijuar të shesë tollona.