Korrupsioni, prokuroria kërkon dënimin me 5 vite burg të ish- drejtorit të Burgjeve
Reagon avokati Ardian Leka: Kërkesa është e pabazuar në prova Artur Zoto akuzohet për abuzim me tenderat e ushqimeve
Prokuroria e Krimeve të Rënda ka kërkuar dje dënimin me 5 vite burg për ish- drejtorin e përgjithshëm të Burgjeve, Artur Zoto, i cili akuzohet për korrupsion dhe abuzim me tenderat e ushqimeve gjatë kohës që ai ushtroi detyrën. Gjithashtu, në pretencën e dhënë, prokuroria kërkoi që ish- kreut të burgjeve t'i hiqet e drejta e ushtrimit të funksioneve publike për 5 vite. Vetë Artur Zoto, i cili rrezikon dënimin për korrupsion pasiv nuk ishte në seancë. Prokurorja Elisabeta Ymeraj rindërtoi skemën korruptive para gjykatës, ku sipas saj është i përfshirë Zoto. Kjo, bazuar në dëshminë e dhënë nga Iljaz Labi, i cili ka thënë se kishin bërë disa tendera në vitin 2016 dhe në marrëveshje me disa biznesmenë bënin një garë fiktive. Seancën e radhës pritet që mbrojtja të paraqesë të gjitha argumentet për të vërtetuar që ish- numri një i Burgjeve është i pafajshëm. Nga ana tjetër, Atur Zoto ka deklaruar se po mbahet në burg jo për akuzën për korrupsion, por për pajisjen e përgjimit "Imsi Catcher". Prej muajsh, ai po përballet me Gjykatën e Krimeve të Rënda, pas dyshimeve për korrupsion pasiv. Ai u implikua në aferën korruptive pas dëshmisë që bëri në prokurori, ish- zëvendësi i tij, Iljaz Labi, i cili mban statusin e bashkëpunëtorit të drejtësisë. Labi deklaroi se i dërgoi Artur Zotos në zyrë shumën prej 20 mijë eurosh, si ryshfet për tenderin e ushqimeve. Këtë dëshmi, ishkreu i Burgjeve e hedh poshtë me argumentin se me Labin nuk takohej prej një kohe të gjatë, për shkak të marrëdhënieve konfliktuale që kishin. Për këtë, ai kërkoi të ekspertoheshin pamjet filmike të kamerave të sigurisë së institucionit, prej nga vërtetohet se Iljaz Labi nuk hynte kurrë në zyrën e tij. Akt- ekspertimi u përpilua nga dy ekspertë të Policisë Shkencore, të cilët i thanë gjykatës se kanë vëzh- guar 140 orë pamje filmike, në të cilat nuk shquhet qartë dera e zyrës së ish- nëndrejtorit Iliaz Labi. Megjithatë, ekspertët kanë shkëputur me foto të gjithë personat që kanë hyrë dhe dalë nga zyra e ish- drejtorit Zoto. Gjykata nuk dha detaje se cilët janë personat që shfaqen në këtë foto dhe nëse e rëndojnë ose jo pozitën e të pandehurit, por vendosi t'i administronte si provë. Gjykata vendosi t'i drejtohet me shkresë zyrtare Drejtorisë së Burgjeve për të pyetur nëse në datat 23- 24 maj të vitit 2016 i pandehuri dhe ish- zëvendësi i tij, Labi janë paraqitur ose jo në punë dhe nëse kanë zhvilluar ndonjë aktivitet jashtë institucionit. Pas kësaj përgjigjeje pritej edhe pretenca e prokurorisë ndaj të pandehurit Artur Zoto.
REAGIMI I MBROJTJES
Pas kërkesës së Prokurorisë së Krimeve të Rënda për dënimin 5 vite të ish- drejtorit të përgjithshëm të Burgjeve, Artur Zoto, ka reaguar avokati i tij, Ardian Leka. Ai tha se kërkesa e prokuror- Artur Zoto akuzohet për abuzim me tenderët e ushqimeve në burgje. Ish- vartësi i tij, Iljaz Labi, bashkëpunoi me drejtësinë dhe tregoi se Zoto përfitonte 20 milionë lekë nga biznesmenët që merrnin pjesë në tenderat e ushqimit. Një javë më parë, Prokuroria e Krimeve të Rënda kërkoi dënimin me 5 vite burg për Labin, por për shkak të statusit të tij u kërkua pezullimi i dënimit.
isë ishte e pabazuar në prova. Sipas Lekës, prokuroria akuzon pa prova, pasi Zoto dhe ish- vartësi i tij, Iljaz Labi nuk kanë komunikuar, kjo e vërtetuar me kamera. "E prisnim pretencën e prokurorisë. Kërkesa e prokurorisë ishte e pabazuar në prova. Labi dhe Zoto nuk kanë komunikuar, kjo e vërtetuar me kamera. Labi u përgjua, është vërtetuar se ka kryer vepër penale. Prokuroria akuzon pa prova. Pretendimet tona do t'i lexojmë herës", u shpreh avokati Leka.