Meta takon Tuskun: Inkurajim për thellimin e reformave

Presidenti në Samitin e Krerëve të Shteteve të Procesit të Brdo- Brijunit "Shqipëria, çdo mundësi për anëtarësim në BE"

Presidenti i Republikës, Ilir Meta ka bindjen e plotë se Shqipëria i ka të gjitha mundësitë për t'u anëtarësuar në Bashkimin Evropian. Z. Ilir Meta po merr pjesë në Samitin e Krerëve të Shteteve të Procesit të Brdo- Brijunit, Kroacisë, Sllovenisë, Maqedonisë, Shqipërisë, Kosovës, Malit të Zi, Serbisë dhe BosnjeHercegovinës, i cili po zhvillohet aktualisht në Shkup të Maqedonisë. Në këtë samit marrin pjesë si të ftuar të posaçëm presidenti i Këshillit Evropian, zoti Donald Tusk, si dhe kryeministri i Bullgarisë, Boyko Borisov. Gjatë qëndrimit në Shkup, Presidenti i Republikës, Ilir Meta zhvilloi një takim të veçantë me presidentin e Këshillit Evropian, Donald Tusk. Zyra e shtypit e kreut të shtetit njoftoi se z. Meta e konsideroi shumë të rëndësishme pjesëmarrjen e presidentit Tusk në Samitin e Liderëve të Procesit të Brdo- Brijunit, shenjë e vëmendjes dhe mbështetjes gjithnjë e në rritje të BE- së ndaj Ballkanit Perëndimor. Kreu i shtetit gjithashtu vlerësoi vizitën dhe mesazhet inkurajuese që Presidenti Tusk përcolli gjatë vizitës së tij në Tiranë, të cilat duhet të nxitin të gjitha institucionet shqiptare drejt arritjeve konkrete në zbatim të 5 prioriteteve kyçe. Duke shpresuar në vendimmarrjen pozitive të Këshillit të qershorit ndaj rekomandimit për çeljen e negociatave të anëtarësimit të Shqipërisë, Presidenti Meta theksoi se ky do të ishte një moment oportun për të marrë përgjegjësi të reja dhe më angazhuese karshi qytetarëve shqiptarë dhe partnerëve evropianë. Presidenti Meta pohoi se Shqipëria i ka të gjitha mundësitë dhe angazhimin e shprehur qartë për kaluar në fazën e vështirë të negocimit drejt anëtarësimit. Z. Meta theksoi rëndësinë që ka edhe vendimi për liberalizimin e sa më të shpejtë të vizave me Kosovën, një hap i merituar që do të mundësojë lëvizjen e lirë të qytetarëve kosovarë drejt hapësirës shengen. Kurse përmes një postimi në rrjetin social

"Twitter", Presidenti i Shqipërisë, Ilir Meta njoftoi se ka zhvilluar një takim me presidentin e Këshillit të Bashkimit Europian, Donald Tusk, një takim i ngrohtë e miqësor, siç thekson vetë kreu i shtetit. "Inkurajim për të përshpejtuar thellimin e reformave

në 5 prioritetet kyçe. Në pritje të mesazheve pozitive nga Samiti i Sofjes dhe mbledhja e Këshillit Europian në qershor", shkruan më tej Presidenti i Republikës. Mesazh pozitiv nga mbledhja e Këshillit të BE- së në muajin qershor, sigurisht që pritet me kërshëri të jetë çel-

ja zyrtare e negociatave për anëtarësim në bllokun europian, ndërsa inkurajimi mbi thellimin e reformave në 5 prioritetet kyçe kanë të bëjnë me ato prioritete që sollën deri te rekomandimi pozitiv i Komisionit Europian për hapjen e negociatave brenda vitit me Shqipërinë.