Meta: Feja nuk duhet përdorur kurrë në shërbim të ideve dhe qëllimeve të dhunshme
Presidenti shtron darkë për patriarkun rus dhe Janullatosin
Patriarku
rus Kirill nisi dje vizitën zyrtare në Tiranë, e para e një patriarku rus në Shqipëri. Pritja e parë atij i është bërë në Kishën Ortodokse nga kryepeshkopi Anastas Janullatos. Për herë të parë, një meshë e shenjtë në Katedralen Ortodokse Shqiptare, "Ngjallja e Krishtit", u bashkëdrejtua nga patriarku i Rusisë, Kirill dhe kryepeshkopi Anastaj Janullatos. Ndërkohë dje, ai është pritur nga Presidenti Ilir Meta, i cili ka shtruar edhe një darkë për ndër të tij. Duke iu drejtuar Shenjtërisë së Tij Kirill dhe delegacionit të Patriarkanës së Kishës Ortodokse të Rusisë, Fortlumturisë së Tij Kryepeshkopit Anastas dhe peshkopëve të Kishës Autoqefale Ortodokse Shqiptare, krerëve të bashkësive fetare në Shqipëri, Nuncit Apostolik Imzot Broën, Ambasadorit të Federatës Ruse Karpushin, krerë institu- cionesh dhe të ftuarve të tjerë, Presidenti i Republikës u shpreh: "Sakrificat e përbashkëta në të kaluarën janë një mësim i madh për të ndërtuar bashkërisht një të ardhme më të mirë në dobi të njeriut, të shoqërisë, të paqes, solidaritetit dhe në shërbim të Zotit". "Gjuha e urrejtjes, e dhunës, veprimet intolerante, shfaqjet e dis- kriminimit e paragjykimet fetare e etnike, terrorizmi, ekstremizmi i dhunshëm, konfliktet dhe luftërat me pasoja të rënda humanitare janë sot rreziku më i madh për njerëzimin. Fetë dhe besimet kanë rolin e tyre të pazëvendësueshëm për një ndërtuar një paqe të qëndrueshme dhe universale mes popujve dhe kombeve. Feja nuk duhet përdorur kurrë në shërbim të ideve dhe qëllimeve të dhunshme. Ajo duhet t'i shërbejë gjithmonë paqes, dashurisë, solidaritetit dhe harmonisë. Sepse siç na mësojnë edhe librat e shenjtë, Zoti është paqja e jo dhuna!", tha Meta, në darkën e mbajtur me rastin e vizitës së Kirill.