"Dorëheqja", Lu: E mirëpresim, Tahiri përballë drejtësisë pa imunitet
Lista e zezë e ambasadorit amerikan, nga Balili e Llalla tek ish- ministri "Arrestoni ' peshqit e mëdhenj' kriminalë"
Ambasadori ameri kan, Donald Lu, e ka mirëpritur lënien e mandatit të deputetit nga ishministri i Brendshëm, Saimir Tahiri, për t'u hetuar pa mburojën e imunitetit. Diplomati amerikan u shpreh se askush nuk mundet që të dalë mbi ligjin, ndërsa shtoi se edhe për ish- kryeprokurorin Adriatik Llalla po vijojnë hetimet. Ai kërkoi edhe arrestimin e Balilit të njohur si "Eskobari i Ballkanit" dhe të Arbër Çekajt ( i arrestuar dje), pronari i kompanisë "Arbri Garden", ku u gjetën 613 kg kokainë e ardhur nga Kolumbia. "Urdhër arreste janë lëshuar edhe për Balilin dhe Arbër Çekajn, ata duhet të kapen. Hetimet po vazhdojnë ndaj Saimir Tahirit dhe Adriatik Llallës. Askush nuk është mbi ligjin. Mirëpresim faktin që z. Tahiri do përballet me drejtësinë si qytetar i zakonshëm pa imunitet. OJQ dhe gazetarët duhet të ndihmojnë publikun të kuptojnë pse këta persona janë të rrezikshëm dhe të ngrenë pritshmëritë se së shpejti do të arrestohen dhe ndiqen penalisht", theksoi z. Lu. Në fjalën e tij në aktivitetin për Shoqërinë Civile, Donald Lu përmendi se falë shkrimeve në media, shumë politikanë me probleme me drejtësinë nuk janë më pjesë e jetës politike në Shqipëri. Ai i listoi duke përmendur disa emra si Elvis Roshi, Afiq Rakipi, Mark Frroku, Shukri Xhelili, Koço Kokëdhima etj. Ambasadori beson se presioni i Shoqërisë Civile la jashtë parlamentit dhe bashkive deputetët dhe kryebashkiakët që prekeshin nga ligji i dekriminalizimit apo që u përfshinë në afera korruptive. Komentet e ambasadorit Lu vijnë një ditë pasi ish- ministri i Brendshëm lëshoi kritika ndaj disa diplomateve të huaj në Shqipëri, pa i përmendur me emra, duke thënë se disa janë të blerë, e disa marrin përsipër të bëjnë prokurorin e gjyqtarin apo që flasin lart e poshtë për mafiozë e banda shqiptare. Ambasadori Donald Lu i kërkoi Shoqërisë Civile t'i bashkohet thirrjes për arrestimin e "peshqve të mëdhenj" kriminalë. Lu vlerësoi rolin e Shqipërisë në kapjen e "peshkut të madh" të drogës Met Kanani në Turqi, teksa tha se duhet të kapen edhe Klement Bali dhe Arbër Çekaj ( i arrestuar dje). Ai foli edhe për kryebashkiakun Fran Frokaj dhe ish- kryebashkiaku Elvis Rroshi, të cilët tha po ndiqen penalisht. Kërkesa e fundit e ambasadorit për Shoqërinë Civile ishte të nxisin politikanët dhe prokurorët që të heqin pandëshkueshmërinë ndaj këtyre kriminelëve, pasi vetëm "Askush nuk është mbi ligjin. Mirëpresim faktin që z. Tahiri do përballet me drejtësinë si qytetar i zakonshëm pa imunitet. OJQ dhe gazetarët duhet të ndihmojnë publikun të kuptojnë pse këta persona janë të rrezikshëm dhe të ngrenë pritshmëritë se së shpejti do të arrestohen dhe ndiqen penalisht", theksoi z. Lu. atëherë - theksoi ai - Shqipëria mund të ketë një të ardhme shumë të ndritur. "Do të ishim shumë të lumtur që Shoqëria Civile të na bashkohet në thirrjen për arrestimin dhe ndjekjen penale të ' peshqve të mëdhenj' kriminalë", tha ambasadori amerikan Donald Lu.