Kryemadhi: Gabuam që bëmë Ramën kryeministër e Tahirin ministër
LSI mbledh Komitetin Drejtues Kombëtar, kryetarja: Njerëzit tanë u kërcënuan "Saimiri, apologji false e lot krokodili"
Kryetarja e LSI- së, Monika Kryemadhi deklaroi dje, se ndaj anëtarëve të LSI- së të punësuar në shtet ka pasur presione e kërcënime. "Duke pasur parasysh që problematikat që ka sot qeveria apo dhe mazhoranca në parlament mendon që vetëm duke i intimiduar njerëzit apo duke i kërcënuar ata mund të kalojnë problematikat që kanë". E duke vijuar me atë që ishte çështja e ditës, largimi i Saimir Tahirit nga Kuvendi, ajo tha se asnjë fjalë të sinqertë nuk ka pasur dje, në atë që ajo e quajti "apologjia" e Saimir Tahirit. Gjatë fjalës në mbledhjen e Komitetit Drejtues Kombëtar, Kryemadhi u shpreh: "Vëmendja e publikut ka qenë e fokusuar tek ishministri i Brendshëm. Dhe, për fat të keq, jo për ato që ka thënë ose ka për të thënë, por për ato që Saimir Tahiri nuk i ka thënë dhe nuk do t'i thotë kurrë, sepse ai dhe ish- shefi i tij tashmë janë jo vetëm peng i njëri- tjetrit, por dhe peng i krimit të organizuar". "Të gjithë kanë muaj që presin drejtësi për çështjen e ishministrit të Brendshëm, një nga përgjegjësit kryesor për kanabizimin dhe renditjen e Shqipërisë në krye të trafikimit dhe përdorimit të dograve të forta. Por drejtësia ka munguar që në krye të herës, dhe nuk ka më njeri në Shqipëri të besojë tashmë se Edi Rama do urdhërojë institucionet që varen prej tij, si Prokuroria e Përgjithshme, që të hetojnë për ish- bashkëpunëtorin e tij",- u shpreh Kryemadhi. Sipas saj, "asnjë fjalë të sinqertë nuk ka pasur në apologjinë false të ish- ministrit të Brendshëm. Madje dhe lotët e tij për të disatën herë duken si lot krokodili dhe janë pjesë e tragjikomedisë që Edi Rama e inskenon kaq bukur për bashkëpunëtorët e tij që jemi mësuar t'i shikojmë në gjithë jetën politike të z. Rama". "Nëse Saimir Tahiri do kishte ndjerë qoftë dhe një fije përgjegjësi për llumin e drogës, në të cilin e zhyti Shqipërinë, të paktën duhet të kërkonte ndjesë publike jo vetëm për shqiptarët, por më shumë për ata të rinj dhe të reja që sot janë peng i përdorimit të drogave të forta ku dhe Shqipëria mban vendin e parë në botë për përdorimin e kokainës. Duhet të tregonte dinjitet dhe të përballej me të vërtetën dhe jo të shantazhonte Edi Ramën me gjuhën e mafiozëve, të cilën jemi mësuar ta dëgjojmë rëndon nëpër foltore",- u shpreh kryetarja e LSI- së. Sipas saj, "Sh- qipëria po jeton sot ditët e saj me të këqija të 25- 30 viteve të fundit. Dhe padyshim është detyrë jona të përpiqemi ta nxjerrim vendin nga ky batak ku e çuan Edi Rama dhe mafiozët që e mbajnë peng dhe në pushtet në të njëjtën kohë". Për këtë Kryemadhi kërkoi nga drejtuesit e LSIsë, deputetët më shumë angazhim me njerëzit. "Problemi i LSI ka qenë gabimet e së shkuarës, të cilat ne duhet t'i lexojmë shumë mirë për të Ish- ministri i Drejtësisë, Ylli Manjani tha dje, se për zgjedhjet e ardhshme LSI- së i duhen shokë, por njëri është përjashtuar. "Partia e Edi Ramës nuk mund të ketë shansin të përfitojë nga djersa e ballit e çdo anëtari dhe votuesi e LSI. Nuk është e thënë të jetë detyrimisht edhe me PD. Jam i bindur që më PDIU bëhet koalicion shumë i mirë, me PAA, me Aleancën Kuq e Zi",tha dje, Manjani.
vazhduar përpara dhe për të mësuar nga gabimet tona. Gabimi i LSI ka qenë bërja e Edi Ramës kryeministër. Gabimi i LSI ka qenë pranimi i Saimir Tahirit si ministër i Brendshëm. Gabimi i LSI ka qenë mos reagimi i saj kur Shqipëria filloi të kanabizohej. Gabimi i LSI kanë qenë votimet e shumë ligjeve, qoftë ligji i arsimit të lartë, qoftë dhe i atyre ligjeve të reformës në drejtësi të cilat u votuan pa kompromis",- tha Kryemadhi.