Bushati takon Kotzias: Po mbyllim çështjet e kufirit detar e tokësor
Ministri i Jashtëm: Javën tjetër negociatorët takohen në Athinë "Paketa do të finalizohet nga dy kryeministrat"
Ministri për Europën dhe Punët e Jasht me, Ditmir Bushati njoftoi se tryeza e dytë e bisedimeve mes Shqipërisë dhe Greqisë për kufirin detar do të zhvendoset në Greqi javën tjetër. Bushati ishte këto dy ditë në Selanik për takimin e Tretë Ndërministror mes Greqisë, Shqipërisë, Bullgarisë dhe Maqedonisë, me pjesëmarrjen e ministrave të Jashtëm, të Brendshëm dhe të Infrastrukturës të katër vendeve. Ministri Bushati zhvilloi një takim me homologun e tij grek, Nikos Kotzias, me të cilin morën në shqyrtim ecurinë e paketës së dakordësuar mes palëve në Kretë dhe Korçë, duke vlerësuar përmbylljen me sukses të një pjese të elementëve përbërës të saj dhe shprehën angazhimin për të vijuar me të njëjtin ritëm për të jetësuar zgjidhje të qëndrueshme për çështjet e rëna dakord. Ministri Bushati vlerësoi progresin e arritur në takimin e ekipeve negociatore javën e shkuar, ndërsa u shpreh optimist për takimin e radhës, që do të zhvillohet në Athinë. Kreu i diplomacisë shqiptare nënvizoi se disa çështje për të cilat palët kanë dakordësi finale janë në zbatim tashmë dhe po punohet për pjesën tjetër të paketës, siç është njohja e patentave, apo çështjet e kufirit detar dhe tokësor. Ministri Bushati bëri me dije se do të ketë një tjetër takim me homologun Kotzias për të diskutuar ecurinë e punës, edhe pse Greqia është një vend i rëndësishëm strategjik për Shqipërinë dhe ka një rol të veçantë në rajon. Pas takimit me homologun grek në Selanik, ministri i Jashtëm, Ditmir Bushati vlerësoi ecurinë e punës për marrëveshjen e detit. "Është bërë progres, ka filluar puna me intensitet të plotë sa u përket diskutimeve për kufizimin e zonave detare. Është bërë një punë e mirë në Tiranë javën e kaluar, javës tjetër do të ketë një takim të eksporteve në Athinë. Ekzistojnë të gjitha mundësitë që Shqipëria dhe Greqia të shkojnë drejt një marrëveshjeje të re, që do të jetë e mirë për të dyja vendet dhe që do të jetë e zbatueshme", u shpreh Bushati. Kreu i diplomacisë shqiptare nënvizoi se disa çështje me dakordësi dypalëshe janë në zbatim, ndërsa për pjesën tjetër të çështjeve janë në proces diskutimi. "Çështjet për të cilat ka pasur një da- kordësi finale sot për sot janë në proces zbatimi, çështje të cilat ka këndshikime që përputhen dhe janë ende në proces diskutimi apo detajimi", tha ministri i Jashtëm. Ndërsa, për takimin mes dy kryeministrave Rama- Tsipras, Bushati tha që do të ndodhë kur të ketë një produkt final mes grupeve negociatore. "Paketën që diskutohet me palën greke do të jenë dy kryeministrat që do ta finalizojnë", tha kreu i diplomacisë shqiptare. Nga ana e saj, edhe Ministria e Punëve të Jashtme e Greqisë përmes një postimi në rrjetet sociale deklaron se Athina është pranë zgjidhjes së problemeve në marrëdhëniet me fqinjin verior, Shqipërinë. Kreu i diplomacisë shqiptare nënvizoi se disa çështje për të cilat palët kanë dakordësi finale janë në zbatim tashmë dhe po punohet për pjesën tjetër të paketës, siç është njohja e patentave, apo çështjet e kufirit detar dhe tokësor.