Vetingu, shkarkohet gjyqtari i tretë i Kushtetueses, Fatmir Hoxha
Gjykata mbetet me tre anëtarë, së shpejti seanca dëgjimore për Bashkim Dedjan e Gani Dizdarin KPK: Nuk justifikon një apartament në Tiranë me vlerë 140 mijë euro
Vetingu skualifikoi ditën e djeshme nga radhët e sistemit të drejtësisë, anëtarin e tretë të Gjykatës Kushtetuese, Fatmir Hoxhën. Vendimi për shkarkimin e tij u morr pas një hetimi administrativ disa mujor dhe zhvillimit të seancës dëgjimore publike. Komisioni i Pavarur i Kualifikimit vendosi t'i ndërpresë karrierën gjykatësit, me arsyetimin se ai nuk justifikonin pasurinë. Gjykatësi i karrierës, rezulton se ka në zotërim vetëm një apartament banimi në Tiranë, megjithatë blerjen e tij nuk mundi ta justifikonte me të ardhura të ligjshme. "Trupa gjykuese pasi mori në shqyrtim të gjithë dokumentacionin, kreu një proces të mirëfilltë, një hetim të thellë dhe të pavarur, dëgjoi pretendimet e përfaqësuesit ligjor më 7 maj.
Në përfundim të procesit të rivlerësimit, trupa gjykuese vendosi me shumicë votash shkarkimin e Fatmir Hoxhës",- deklaroi relatorja. Gjatë shpalljes se vendimit, Hoxha nuk ishte i pranishëm, ndërsa avokati i tij nuk bëri asnjë koment. Më herët gjatë seancës dëgjimore, KPK theksoi se Hoxha disponon një apartament 112 m2 në Tiranë, e cila është blerë në shumën 140 mijë euro. Sipas këtij komisioni blerja e apartamentit nuk justifikohet, pasi për të është deklaruar marrja e një kredie si i pastrehë në vlerën 5 milionë lekë dhe mungon justifikimi i pjesës së tjetër të shumës. Por sipas avokatit të gjyqtarit Hoxha, klienti i tij ka marrë borxh 28 mijë euro nga kunati i tij për blerjen e këtij apartamenti. "Është një element në vitin 2003 ku pre- tendohet nga KPK që nuk justifikohet pasuria. Por shuma është plotësisht e justifikueshme. Gjyqtari ka qenë bashkëpunues me KPK- në. Apartamentin, gjyqtari e ka blerë me kredi dhe një borxh të marrë nga kunati në vlerën e 28 mijë eurove. Gjyqtari lekët e shtëpisë i ka bërë cash, por ai i ka deklaruar pranë ILDKPI. Nga dy dasmat e bëra gjyqtari ka grumbullu- ar vlera monetare dhe dhurata. Ai më pas ka marrë kredi, e cila është marrë në bazë të vendimit të Këshillit të ministrave. Borxhin e ka marrë për apartament, dhe deri tani ai është shlyer",- tha avokati Julian Mërtiri. Fatmir Hoxha është diplomuar në Fakultetin e Drejtësisë së Universitetit të Tiranës në vitin 1991 dhe e ka filluar karrierën në gjyqësor në vitin 1993 si kry- etar i Gjykatës së Pukës. Në vitet 1996- 1998 ka ushtruar detyrën e gjyqtarit në Apelin e Tiranës, ndërsa në vitet 20032008 ka mbajtur pozicionin e kryetarit në Gjykatën e Apelit të Shkodrës. Hoxha është gjyqtari i pestë i Kushtetueses që përfshihet në procesin e vetingut, pas Besnik Ymerajt, Fatos Lulos, Vitore Tushës dhe Altina Xhoxhajt. Ymeraj dha dorëheqjen nga sistemi gjyqësor, por u referua nga Komisioni i Pavarur i Kualifikimit në Prokurori, Fatos Lulo dhe Altina Xhoxhaj u shkarkuan nga detyra, ndërsa Vitore Tusha është e vetmja e konfirmuar në detyrë deri më tani. Arsyeja e shkarkimit është e njëjtë për të gjithë: Nuk justifikojnë pasurinë e tyre. Sakaq Gjykata Kushtetuese, më e rëndësishmja në sistemin gjyqësor në Shqipëri, rrezikon të mbetet pa asnjë anëtar, për shkak të veprimit të ligjit të vetingut. Nga nëntë zyrat e gjykatësve kushtetuese, vetëm tre prej tyre qëndrojnë ende të hapura. Kryetari i institucionit Bashkim Dedja e Gani Dizdari presin të vetohen për të mësuar nëse do të konfirmohen në detyrë, apo do largohen nga sistemi.