Basha: Nuk tërhiqemi, as nuk trembemi nga kërcënimet e Ramës
Kreu i PD- së: Përgjimet autentike, kryeministri mbrojti Xhafajn, sepse krimi është në pushtet "Qëndrimi në detyrë deformon dhe pengon hetimin"
Partia Demokratike është e bindur në fa jësinë e Fatmir Xhafajt dhe marrjen në mbrojtje të ministrit nga ana e Edi Ramës këtë të mërkurë dhe e sheh identik me rastin e Saimir Tahirit, Elvis Roshit, Mark Frrokut dhe Arben Ndokës. Kreu i PD, Lulzim Basha iu përgjigj kryeministrit Rama, pas mbrojtjes që i bëri ministrit Fatmir Xhafaj, duke konfirmuar se nuk do të ketë lëvizje sa u përket zërave për largimin e ministrit. Në një status në ' FB', Basha akuzon Ramën se ashtu siç bëri me Tahirin, Frrokun apo Rroshin po bën edhe me Fatmir Xhafajn. Basha shprehet se kërcënimi me burg i opozitës që denoncoi skandalin "Xhafaj" është skandaloz, tipik për udhëheqësit autokratë dhe të inkriminuar, por premton që opozita nuk do të tërhiqet. "Ne as nuk jemi trembur dhe as nuk tërhiqemi nga sulmet e një kryeministri që kërcënon me burg opozitën, por jo kriminelët dhe trafikantët e drogës! Në emër të Partisë Demokratike, i siguroj shqiptarët dhe partnerët ndërkombëtarë se ne do ta vazhdojmë edhe më fuqishëm betejën me krimin e organizuar dhe do të përballemi me të njëjtën forcë me qeverinë që punon për krimin e organizuar dhe jo për qytetarët e ndershëm të këtij vendi", theksoi z. Basha. Ekspertët pritet të përcaktojnë nëse përgjimi i publikuar nga demokratët është montazh apo i vërtetë. Vetë Basha është i sigurt. "Sot ishte radha e Fatmir Xhafajt dhe vëllait të tij trafikant droge, i kapur në përgjime autentike ambientale, të pamanipuluara. Materiali audio provoi se Agron Xhafaj nuk bën një jetë normale, por është drejtues i trafikut të drogës, nën mbrojtjen e të vëllait ministër i Brendshëm", deklaroi kreu i PD- së. Basha shprehet se kryeministri Rama është në dijeni të aktivitetit të Agron Xhafajt, madje edhe që përgjimi është autentik. "Këtë fakt nuk e mohoi dot as vetë Edi Rama sot, sepse ai e di që Agron Xhafaj është një nga kokat e krimit. Edi Rama ka mjaftueshëm informacion për fuqinë e Agron Xhafajt mbi policinë e Vlorës, Policinë e Shtetit dhe rrjetit të tij kriminal në Vlorë. Edi Rama e di se përgjimi është i vërtetë dhe se Agron Xhafaj ka vazhduar trafikun e drogës, veçanërisht gjatë kohës që i vëllai është ministër i Brendshëm", theksoi kreu i PD- së. Dorëzimin e Agron Xhafajt tek autoritetet italiane, Lulzim Basha e interpreton si përpjekje për të
mos e vënë atë përballë opinionit publik. "Kjo është arsyeja e vetme pse Agron Xhafaj po dërgohet në Itali pa ia nxjerrë më parë opinionit publik me zë dhe me figurë. Shqiptarët duan të dëgjojnë vetë zërin e Agron Xhafajt dhe jo të dëgjojnë prej Edi Ramës rezultate
ekspertize nga laboratorë pa emër apo nën pushtetin e tij", shton ai. Shfaqjen e Edi Ramës, kryedemokrati Basha e quan të "neveritshme dhe të pabesueshme, sa ishte dy vjet më parë, kur u mohonte shqiptarëve se Agron Xhafaj ishte i dënuar për drogë". "Shqiptarët
kanë shumë halle dhe probleme, por ata nuk harrojnë se Edi Rama u tregoi dy vjet më parë se historia me drogë e vëllait të Fatmir Xhafajt ishte e sajuar, ndërsa sot pranoi se për këtë histori droge, Agron Xhafaj po shkon në burg me këmbët e veta", tha kreu i PD- së. Për Bashën, Fatmir Xhafaj është subjekt i ligjit antimafia dhe kryeministri Edi Rama e anashkaloi këtë. "Në asnjë rresht të deklaratës së tij, Edi Rama nuk u dha llogari shqiptarëve pse Fatmir Xhafaj ka penguar zbatimin e ligjit antimafia për pasurinë e të vëllait, i dënuar për "Kërcënimi me burg i opozitës që denoncoi skandalin ' Xhafaj' është skandaloz, tipik për udhëheqësit autokratë dhe të inkriminuar. Ne as nuk jemi trembur dhe as nuk tërhiqemi nga sulmet e një kryeministri që kërcënon me burg opozitën, por jo kriminelët dhe trafikantët e drogës!", deklaroi z. Basha.
trafik droge dhe rrjedhimisht, edhe për pasurinë e vet, siç e kërkon me detyrim ligji antimafia", vijon ai. Mbrojtjen e ministrit të Brendshëm nga ana e kryeministrit Rama, kryetari i PD- së e lexon si një provë e re sesi krimi i organizuar drejton të gjithë segmentet e shtetit: qeverinë, policinë dhe prokurorinë. Për Bashën, duke qëndruar në detyrë, Fatmir Xhafaj deformon dhe pengon hetimin ndaj tij dhe të të vëllait, si për trafikun e drogës nga Agron Xhafaj, ashtu edhe për pasurinë sipas ligjit antimafia.