"Xhafaj", Paloka: Disa ambasadorë e kanë diskredituar veten
"Më 26 maj, protestë kundër qeverisë"
Nënkryetari
i PD, Edi Paloka hodhi dje akuza ndaj disa ambasadorëve të akredituar në vendin tonë për qëndrimet e tyre pas publikimit të çështjes së vëllait të Fatmir Xhafaj. Paloka në bindjen e tij qëndrimet e disa ambasadorëve i konsideroi si skandaloze, ndërsa tha se kanë diskredituar veten e tyre. "Unë nuk do doja t'i komentoja, sepse ne kemi zgjedhur të merremi me institucione direkte për shumë arsye. Ka pasur dhe reagime për mua të nivelit skandaloz të ndonjë ambasadoreje, por ne kemi zgjedhur të mos merremi me disa individë që vërtet mbajnë tituj si përfaqësues të atij apo këtij vendi apo si përfaqësues të BE, por që për ne praktikisht e kanë diskredituar veten me qëndrimet e tyre. Ne i mbajmë lidhjet direkte me institucionet dhe janë institucionet ndërkombëtare qoftë ato që lidhen me integrimin e Shqipërisë, qoftë me qeveritë apo kancelaritë europiane i kanë bërë të qartë pozicionet e tyre. Edhe për drogën dhe Saimir Tahirin nuk e hapte askush gojën, më pas u vunë ata me shpatulla pas murit", tha Paloka për Ora News. De- puteti demokrat u shpreh se nuk ka besim se prokuroria do të bëjë një hetim të drejtë. "E dha urdhrin Rama. Ai tha që unë e verifikova audion dhe këtë qëllim kishte, t'i thoshte prokurorisë ky është qëndrimi, qëndrimin e vendos unë. Qëndrimin tonë për prokuroren ne e kemi deklaruar që ditën e parë, vetëm me një synim të shpëtoja Ramën dhe të inkriminuarit e tij dhe ta përdorte kundër opozitës. E para i tha që nuk ka autenticitet video- përgjimin dhe e dyta dha urdhër arresto opozitën",- deklaroi deputeti i PD- së. Në lidhje me protestën që do të zhvillohet në 26 maj, Paloka tha se qëllimi kryesor është largimi i ministrit të Brendshëm, Fatmir Xhafaj.