Balla: Berisha po shkatërron PD nga frika e rihapjes së dosjes ' Haxhia'
i grupit të PS, Taulant Balla deklaron se Sali Berisha kryetari i Grupit Parlamentar të PS- së, Taulant Balla deklaroi dje, se Sali Berisha po shkatërron PD, nga frika e rihapjes së dosjes "Haxhia", ndërsa përmend edhe ecurinë e dosjes "CEZ", por edhe dosjen e "financimit rus". Sipas Ballës, që në momentin që Izet Haxhia është arrestuar në Stamboll në vitin 2006, Haxhia ka qenë një problem psikologjik dhe politik për Sali Berishën, dhe ka ngrënë disa koka ministrash Drejtësie të emëruar nga vetë Sali Berisha. "Historia e dosjes "Haxhia" nuk është një problem i ri për Sali Berishën. Qyshkur se Izet Haxhia është arrestuar në Stamboll në vitin 2006, ai ka qenë një problem piskologjik dhe politik për Sali Berishën, dhe ka ngrënë disa koka ministrash Drejtësie të emëruar nga vetë Sali Berisha dhe të shkarkuar për garancitë e dhëna prej tyre për rihapjen e dosjes", shkroi dje, Balla, në "FB". "Gjatë qeverisjes 2005- 2009, u shkarkuan 3 ministra të Drejtësisë: Aldo Bumçi, Ilir Rusmajli dhe Enkelejd Alibeaj. Kjo kronologji viktimash të pafajshme të drejtësisë, për shkak të kërkesës së vazhdueshme të tyre, se dosja "Hajdari" do rihapej me ardhjen e Haxhiajt, tregon se Berisha ka qenë në makth nga ministrat e tij, dhe duke mos dashur t'ua ekspozojë makthin e tij, i shkarkonte të gjithë që e bënin", u shpreh Balla. Sipas Ballës, "makthi i tij qëndron tek rihapja e dosjes "Hajdari", të cilën ai nuk e rihapi kurrë, edhe pse e kishte premtim kryesor kur erdhi në pushtet në vitin 2005".