‘ Luarasi’, MASR miraton çeljen e fakultetit të ri për 2018- 2019
Urdhri: Të hapet njësia për Fakultetin e Teknologjisë së Informacionit dhe Inovacionit Ja 3 departamentet që do të ofrohen për studentët
Kolegji Universitar "Lu arasi" do të çelë Fakultetin e Teknologjisë së Informacionit dhe Inovacionit për vitin e ri akademik 20182019. Ministria e Arsimit, Sportit e Rinisë, nëpërmjet një urdhri të firmosur nga ministrja Lindita Nikolla, ka miratuar licencimin e hapjes së kësaj njësie kryesore duke i shtuar "Luarasit", studimet në fushën e teknologjisë për të gjithë të rinjtë e interesuar. Sipas urdhrit nr. 266, Kolegjit Universitar "Luarasi" i jepet e drejta e çeljes së fakultetit të ri, respektivisht në Departamentin e Informatikës Ekonomike, Departamentin e Teknologjisë së Informacionit dhe Inovacionit si dhe në Departamentin e Matematikës dhe Statistikës. Pra, këto janë tri departamentet e reja mbi të cilat do të shtrihen fushat e studimit në degët e kërkuara më së shumti nga tregu i sotëm. "Veprimtaria akademike në njësinë kryesore "Fakulteti i Teknologjisë së Informacionit dhe Inovacionit" të Kolegjit Universitar "Luarasi", fillon në vitin akademik 2018- 2019. Ministria e Arsimit, Sportit dhe Rinisë ushtron kontrollin periodik të ligjshmërisë në institucion. Ngarkohet për zbatimin e këtij urdhri Sekretari i Përgjithshëm, Drejtoria e Programeve të Zhvil- limit të Arsimit, Sportit dhe Rinisë në Ministrinë e Arsimit, Sportit dhe Rinisë, Agjencia e Sigurimit të Cilë- sisë në Arsimin e Lartë dhe Kolegji Universitar Luarasi",- theksohet në urdhrin e hyrë në fuqi më datën 14 maj të këtij viti.
FAKULTETI I RI
Hapja e fakultetit më te ri të Teknologjisë së Informacionit dhe Inovacionit është një nga risitë më të fundit duke iu përshtatur me programet e tij kërkesave dhe nevojave të shoqërisë dhe tregut të punës, pasi pajisja me njohuritë më të fundit mbi ICT tashmë është bërë jetësore për të gjithë. Gjithçka po shkon drejt globalizimit dhe dixhitalizimit. Ky fakultet do të ofrojë programe në bachelor mbi sigurinë kibernetike dhe informacionit si dhe master profesional dhe shkencor. E veçanta e programeve është se mund të studiojnë edhe studentë me njohuri dhe eksperienca nga fusha të ndryshme.