Vidio- përgjimi, Rama: Opozitës i është djegur siguresa e mendjes
Këshilla e kryeministrit për të dalë nga varfëria: Shtëpitë e rrënuara kthejini në bujtina "Po luajnë publikisht një blof kaq skandaloz"
Kryeministri Edi Rama e konsideron një blof audio- përgjimin e publikuar nga Partia Demokratike për vëllain e ministrit të Brendshëm, Agron Xhafaj. Rama foli pas publikimit të pjesës së dytë të përgjimit për kanabisin në Vlorë, ku përfshihet edhe vëllai i ministrit të Brendshëm Fatmir Xhafaj. Edhe vetë Rama ka publikuar videon, ndërsa pyet nëse PD- së i është djegur siguresa e mendjes që shkuan deri në këtë pikë sa luajtën sipas tij një blof. Nuk mungon etiketimi ' ditëzi' për Babalen ose Albert Veliun, ndryshe dëshmitari X. "Se këtu në vendin tim edhe kungulli ka kuptim!", vjershëronte i madhi Këthe Spiri. Sinqerisht pyes veten këtë herë nëse Lulëzimi dhe shqupatarët e tij, janë të dëshpëruar e të pacipë si ngaherë apo u është djegur edhe siguresa e mendjes, që vajtën deri në pikën ku luajnë publikisht një blof kaq skandaloz si ky i këtij ditziut Babale me këtë gazetarin Jetmir?"shprehet z. Rama.
TAKIMET
Para banorëve të Tepelenës kryeministri Edi Rama përmendi dje se zhvillimi i agroturizmit është rruga përfundimtare e daljes nga varfëria. Ai foli për një sërë projektesh infrastrukturore në këtë zonë. Sipas kreut të qeverisë projektet e rilindjes urbane në këtë qytet kanë nxitur turizmin dhe kanë rritur çmimin e pronës me të paktën katërfish. "Ku kalonte ndonjëherë turist në Tepelenë dhe nuk e harroj kur Tërmeti më ka çuar mesazhin e parë, u shfaqën edhe disa suedeze më në fund përballë Ali Pashait. Sa kushtonte një apartament në Tepelenë përpara realizimit të këtyre projekteve?! Kush e shiste 10 mln të vjetra ishte me fat. Sa kushton sot? 40 mln mesatarisht, por ama në qendër të qytetit nuk gjen më njeri që shet apartament",- u shpreh z. Rama. Për këtë arsye ai u bëri thirrje sipërmarrësve, banorëve dhe emigrantëve që të investojnë në fshatrat turistikë, pasi do të kenë mbështetje nga shteti. "Ka shumë njerëz që lëvizin në fundjavë nga Tirana dhe që kanë destinacione të reja. Të jeni të sigurt që me shumë kënaqësi do të shkonin aty ku ka agroturizëm që nga veriu në jug. Ne kemi aprovuar një ligj. Kush e kthen shtëpinë apo kush investon duke marrë një shtëpi të rrënuar në një bujtinë dhe
ndërton një fermë të vogël dhe ka një numër të kufizuar dhomash e para ka tatim fitimi vetëm 5%. E dyta e ka TVSH 6%, e treta merr mbështetje financiare nga shteti. Prandaj unë dua t'i bëj thirrje atyre që janë në emigracion ta shohin këtë mundësi, u bëj thirrje familjeve që janë këtu që bashkë me djemtë dhe vajzat, vëllezërit, xhaxhallarët , dajallarët që kanë në emigracion të drejtohen në këtë drejtim. Është rruga e daljes përfundimtare nga varfëria.
Nuk është një zonë kjo ku mund të mendojmë zhvillimin e ndonjë bujqësie me prodhim të madh. Nuk është një zonë kjo ku zhvillimi i blegtorisë mund të kthehet në një zhvillim industrial, por është një zonë ku blegtoria dhe prodhimet blegtorale mund t'i shërbejnë tryezave të mikpritjes përmes bujtinave dhe hoteleve të vegjël tradicional të agroturizmit",- theksoi kryeministri. Më tej Rama tha se qeveria do të vijojë punën me një sërë "Prisni e duroni ditët në vijim do të jenë të rëndësishme për lidhjet e personave të akuzuar për 613 kg kokaine me persona të rangjeve më të larta të PD. E gjithë kjo po e dëmton Shqipërinë në rrugën e rëndësishme të fazës përmbyllëse të hapjes së negociatave. Kjo është diçka që nuk i bën mirë Shqipërisë megjithëse Basha pa e ditur është futur nga Berisha në një aventurë të rrezikshme", - tha Balla.
projektesh duke vënë theksin tek kalaja e Ali Pashë Tepelenës. "Do ta përfundojmë projektin e kalasë dhe kalanë brenda do ta rindërtojmë duke bashkëpunuar me banorët brenda për ta kthyer një vend ku të hyjnë dhe dalin turistë jo në një vend ku nuk futet askush përveç banorëve",- deklaroi z. Rama. Falë këtyre projekteve Tepelena dhe fshatrat e saj do të kthehen në një atraksion turistik jo vetëm gjatë sezonit veror.