Ish- presidenti Nishani: Kriza më e rëndë se në ' 97, dëmin s'ka qeli ta shlyejë

Çdo

ditë leku po zhvleftësohet dhe po e çon situatën financiare të vendit në një krizë edhe më të rëndë se ajo e skemave piramidale të ' 96-' 97". Kështu shkruan ish- presidenti Bujar Nishani duke dhënë alarmin për situatën në të cilën ndodhet vendi e duke kërkuar reagim të shpejte nga vetë shqiptarët. "Prej disa kohësh paraja e pisët ka nisur të minojë shumë rrezikshëm ekonominë tonë dhe ashtu siç ajo është e dobët dhe e gërryer nga korrupsioni. Çdo ditë leku po zhvleftësohet dhe po e çon situatën financiare të vendit në një krizë edhe më të rëndë se ajo e skemave piramidale të ' 96-' 97. Platforma e narkotizimit të vendit ishte krimi shtetëror më i madh që pas diktaturës staliniste në Shqipëri. Mjeranët që e ideuan dhe implementuan rrugëtimin, nga kanabisi tek kokaina, jo vetëm që do të hyjnë në historinë e Shqipërisë si "narkotrafikantët e Ballkanit", por edhe do të përgjigjen përpara historisë". E nxinë imazhin e Shqipërisë dhe shqiptarëve në sytë e të gjithë botës siç nuk e meritojmë aspak. Këtë imazh, që s'ka dënim të kujtdo qelie burgu, që ta shlyejë dot. E minuan rëndë sigurinë tonë kombëtare duke e vënë policinë e shtetit nën komandën e organizatorëve të trafikut, të cilët veshën uniformën e policisë në funksionet më të larta dhe sot janë larguar në drejtim të paditur", shprehet z. Nishani. Ish- presidenti apeloi për reagim të qytetarëve. "Reagimi është i qytetarëve, sepse dëmi është mbi ta, pagesa bëhet nga ta. Ata nuk mund dhe nuk duhet ta pranojnë të keqen që nesër mund të jetë fatale në koston që do të kërkojë prapë nga shqiptarët!", theksoi z. Nishani.

DEKLARATA

"Reagimi është i qytetarëve, sepse dëmi është mbi ta, pagesa bëhet nga ta. Ata nuk mund dhe nuk duhet ta pranojnë të keqen që nesër mund të jetë fatale në koston që do të kërkojë!",- tha z. Nishani.