Borxhe dhe kredi me probleme të larta, mjedis i vështirë për biznesin
Bordi Ekzekutiv i Fondit Monetar kritikon Shqipërinë
Kreu i ALUIZNI- t, Artan Lame u ka bërë apel ndërtuesve të cilët i kanë braktisur pallatet të nisin procesin e legalizimit, duke lënë afat 1 javë kohë, në të kundërt paralajmëron masa të ashpra. Në fund të afatit njëjavor, për ndërtuesit që nuk reagojnë dhe nuk nisin procedurat përkatëse, do të bëhen me dije edhe masat administrative me të cilat do të përballen. "Vjet, në muajt e parë të vitit, në kuadër të zhvillimit të zgjedhjeve të përgjithshme, qeveria vendosi të merrte disa masa për të shmangur ndikimin e veprimtarisë rutinë të administratës në procesin zgjedhor. Ky proces bllokimi u përforcua më pas edhe me marrëveshjen politike të 17 majit dhe vijoi disi për inerci deri pas formimit të qeverisë së re në shtator 2017. Ky bllokim artificial i procesit të legalizimeve krijoi një stok qytetarësh, të cilët kishin përfunduar procesin administrativ e legalizimit përmes ALUIZNI- t, por që nuk mund ta përmbyllnin atë për shkakun e mësipërm", - tha Lame.
BASHKËPUNIMI
Sipas kreut të ALUIZNIt, banorët janë treguar shumë bashkëpunues. "Siç jeni në dijeni, vjet në janar qeveria miratoi një prej vendimeve më të rëndësishme në fushën e formalizimit të ndërtimeve, vendimin 19/
Bordi Ekzekutiv i Fondit Monetar Ndërkombëtar ( FMN) ka dhënë konkluzionet e raportit të parë të programit të post- monitorimit për Shqipërinë. Raporti, ndonëse konstaton rritje ekonomike, është mjaft kritik dhe e vë theksin te niveli i lartë i borxhit, kreditë me probleme që vijojnë të mbeten ende të larta, pavarësisht uljes, akumulimit të detyrimeve të reja të prapambetura, dobësive të institucioneve publike dhe sistemit gjyqësor dhe një mjedisi të vështirë për biznesin. Raporti paralajmëron që nëse nuk adresohen këto probleme dhe nëse nuk zbatohen reformat strukturore, rritja mund të ngadalësohet. FMN e ka këshilluar qeverinë që të frenohet nga ulja e taksave dhe përjashtimet tatimore. Fondi e ka përsëritur thirrjen për më shumë kujdes në projektet e Partneritetit Publik Privat dhe ndikimin e tyre në buxhetin afatmesëm. Pas përfundimit të marrëveshjes me FMN- në në mars të vitit të kaluar, Shqipëria është në monitorim të ngushtë për politikat e saj, pasi është një anëtare që ka një stok domethënës të huas. Në bazë të programit të post- monitorimit, anëtarët ndërmarrin më shumë konsultime të shpeshta formale me Fondin sesa në rastin kur janë nën mbikëqyrje, me një vëmendje të veçantë në politikat makroekonomike dhe strukturore, që mund të kenë ndikim në qëndrueshmërinë e jashtme. "Ekonomia shqiptare ka vazhduar të forcohet, me një rritje reale të PBB- së në 3.8% ( në terma vjetorë) gjatë vitit 2017, duke reflektuar kërkesën e fortë vendëse të nxitur nga një rigjallërim në ndërtim, rimëkëmbje në tregun e punës dhe kredive për ekonomitë familjare, si dhe projekteve të mëdha të lidhura me investimet e huaja. Ndërsa raporti i borxhit publik ndaj PBB- së është zvogëluar, ritmi i konsolidimit fiskal është ngadalësuar, ndërsa janë akumuluar detyrime të reja të papaguara. Deficiti i llogarisë korrente u ngushtua në 6.9% të PBB- së, mbështetur nga eksporti i turizmit dhe shërbimeve të tjera dhe niveli i rezervave valutore mbetet i kënaqshëm. Inflacioni është i ulët dhe megjithëse rritja e kredisë është e dobët, bankat janë likuide dhe të qëndrueshme", - thuhet në raport. FMN vlerëson se pavarësisht mjedisit të favorshëm dhe perspektivës pozitive afatshkurtër, mbeten rreziqe dhe dobësi, që rrjedhin nga borxhi i lartë publik, huat me probleme në sektorin financiar dhe dobësitë në institucionet publike dhe në sistemin gjyqësor. "Një ngadalësim i reformave apo efekteve nga goditjet e jashtme mund të dëmtojë perspektivat e rritjes dhe besimin, duke ndikuar negativisht në dinamikën e borxhit dhe duke krijuar presione financiare për qeverinë. Nga ana e saj, hapja e negociatave të pranimit në BE mund të ofrojë një mundësi për të përparuar në zbatimin e axhendës së reformave, duke çuar në rritjen e investimeve dhe rritjen e PBB- së", - thuhet në raport.