Grabitja e dosjeve në prokurorinë e Durrësit, ndalohen dy të dyshuar
Policia prangos edhe rojën private Nias Lena, për shpërdorim detyre Në pranga Artur Isa, i sapo dalë nga burgu dhe Besnik Bushi, që hetohej për dosjen e Gjirit të Lalzit
NDURRËS
jë ditë pas gra bitjes së prokurorisë së Durrësit, policia ka ndaluar dy persona të dyshuar në lidhje me këtë ngjarje të rëndë. Bëhet fjalë 49- vjeçarin Artur Isa nga fshati Sukth i Ri dhe 54- vjeçarin Besnik Bushi, banues në qytetin bregdetar, të dy me precedentë të mëparshëm penalë. Ndërkohë, uniformat blu kanë ndaluar edhe një person të tretë dhe konkretisht 56- vjeçarin Nias Lena nga Durrësi, me detyrë roje private në institucionin e organit të akuzës. Burime zyrtare nga drejtoria e policisë së këtij qarku dje bënë me dije që Isa dhe Bushi në bashkëpunim me njëritjetrin dyshohet se janë autorë të vjedhjes së zyrave të prokurorisë. Sipas bluve, dyshohet që ata kanë hyrë në zyrat e këtij institucioni dhe kanë vjedhur dhe dëmtuar dokumentet hetimore, si dhe kanë ndërhyrë në sistemin kompjuterik. Të njëjtat burime sqaruan se Artur Isa e Besnik Bushi akuzohen për "Ndërhyrje në sistemet kompjuterike" dhe "Zhdukja ose humbja e fashikullit", kryer në bashkëpunim. Ndërsa, roja Nias Lena akuzohet për veprën penale "Shpërdorim detyre". Ndërkohë, burime nga prokuroria pohuan se dy personat e 1. Artur Isa, 49 vjeç
nga fshati Sukth i Ri 2. Besnik Bushi, 54 vjeç
nga Durrësi 3. Nias Lena, 56 vjeç, me
detyrë roje e Prokurorisë
dyshuar si autorë të bastisjes së zyrës së prokurorit të Task Forcës, Afrim Shehu dhe të zyrës së një oficeri të policisë gjyqësore po merren në pyetje, ndërsa synohet zbërthimi i tyre për të mbërritur tek organizatorët e këtij plani mafioz, që është i dyti brenda këtij muaji. Nga ana tjetër, Artur Isa dhe Besnik Bushi, të cilët dyshohen se kanë marrë disa dosje korrupsioni ( tjetërsimin e paligjshëm të pronave në zonën e Gjirit të Lalzit) nuk kanë pranuar autorësinë e ngjarjes dhe kanë mohuar akuzat. Burime për "Gazeta Shqiptare" thanë se i akuzuari Artur Isa kishte vetëm pak kohë që kishte dalë nga burgu. Ai ka qenë i dënuar për vjedhje. Ndërsa, 54- vjeçari Besnik Bushi ishte në hetim dhe procedim penal në gjendje të lirë për dosjen e falsifikimit të pronave në Ishëm. Dosje kjo që po hetohej nga prokurori Afrim Shehu. Bastisja e zyrave të Prokurorisë së Durrësit është konstatuar mëngjesin e së enjtes nga pastruesja e këtij institucioni, e cila ka njoftuar rojën dhe më pas është vënë në dijeni policia. Për zbardhjen e plotë të kësaj ngjarjeje është ngritur një grup i përbashkët hetimor nga policia dhe Prokuroria e Durrësit. Ata kanë nisur një hetim për "Grup të strukturuar Kriminal" dhe "Kryerjen e veprave penale nga organizata kriminale". Ndërsa, pritet që ky hetim të asistohet edhe nga Prokurorë të Krimeve të Rënda.