Kancelari Kurz: Migracioni përmes Shqipërisë të mos ndodhë si në 2015
Negociatat me BE, Austria: I meritoni, por nuk mund t'ju themi kur Edi Rama: E meritojmë çeljen e negociatave
Kancelari i Austrisë, Sebastian Kurz shprehu dje, mbështetjen për Shqipërinë për hapjen e negociatave me Bashkimin Europian. Këtë ai e tha, në një konferencë të përbashkët me kryeministrin Edi Rama, gjatë vizitës në Vjenë. "Ne sigurisht i mbështesim të gjitha shtetet e Ballkanit Perëndimor, duke përfshirë dhe Shqipërinë, në përafrimin e tyre në Bashkimin Europian dhe duam që ata të kryejnë reformat e duhura në Ballkanin Perëndimor dhe këto të bëhen hap pas hapi",- tha Kurz. Ai tha më tej: "Të gjitha vendet e Ballkanit Perëndimor kanë nevojë për një perspektivë europiane. Kjo është rruga e reformave. Është, gjithashtu, edhe mënyra brenda shteteve në rajon, sepse ashtu edhe më përpara ka pasur disa tensione, apo probleme të vogla, për shkak të problemeve etnike, apo problemeve të tjera politike. Por kjo është dhe garancia për sigurinë tonë, për stabilitetin tonë në Europë. Ky stabilitet në vendet e Ballkanit do të thotë edhe më shumë siguri dhe një stabilitet në vendin tonë, në Austri". Kurz tha se kishte biseduar me kryeministrin Rama për luftën kundër imigracionit ilegal. "Ne po përjetojmë në Ballkan, në këtë moment, një rrugë të re të migracionit. Kontrabandistët përpiqen që njerëzit t'i marrin nga Greqia përmes rrugës së Shqipërisë në Europën Qendrore. Kjo ka një rëndësi shumë të madhe, sepse duhet të luftojmë kundër këtij fenomeni dhe kundër kësaj rruge. Jam shumë i kënaqur që ne kemi të njëjtin mendim dhe i kemi zbuluar treguesit mjaft të hershëm jo vetëm në Austri, por edhe në Shqipëri. Duhet të shikoni që shifrat e këtyre refugjatëve po rriten dhe duhet ta trajtojmë këtë problem që tani, përpara se këto probleme të bëhen shumë të mëdha, siç ka qenë rasti në 2015- ën dhe në 2017- ën",- u shpreh kancelari austriak.
Nga ana e tij, kryeministri Rama u shpreh se "shikojmë një progres të vazhdueshëm në marrëdhëniet bilaterale në aspektin ekonomik dhe tregtar, por, po ashtu, falë edhe kontributit të dhënë nga Austria, shikojmë një progres të rëndësishëm në procesin e përmirësimit të marrëdhënieve brenda rajonit tonë". "Me kryeminis- Nëse në janar - maj të vitit të kaluar kemi pasur 162 emigrantë të parregullt, në janar - maj deri më tani që flasim, - bëri me dije dje kryeministri Rama, - numri i tyre është 2311. Është një shifër e vogël, në rast se konsiderojmë flukset e vitit 2015, por është një shenjë shqetësuese,- tha ai.