Procedohet penalisht ish- drejtori i Portit të Durrësit dhe nëntë zyrtarë
Hetimet nisën në 2017- ën. Ja shkeljet e bëra në blerjen e automjeteve Policia: Abuzuan me detyrën dhe me tenderat
Dhjetë zyrtarë dhe ishzyrtarë të Autoritetit Portual Durrës janë proceduar penalisht, pasi akuzohen për "Shpërdorim detyre" dhe "Shkelje e barazisë në tendera". Hetimi u krye nga Drejtoria Hetimore në Policinë e Shtetit në bashkëpunim me policinë dhe Prokurorinë e Durrësit. Mes të proceduarve është edhe ish- drejtori i përgjithshëm ekzekutiv i portit. Bëhet fjalë për 42- vjeçarin Aleksandër Lipivani, ndaj të cilit gjykata ka vendosur "Detyrim për t'u paraqitur në Policinë Gjyqësore". Nga kryerja e veprimeve hetimore në funksion të procedimit penal të regjistruar në vitin 2017, rezulton se këta zyrtarë të Autoritetit Portual Durrës, gjatë ushtrimit të detyrës, janë përfshirë në veprime të kundraligjshme gjatë zhvillimit të tenderit për blerje automjeti, autoambulancë dhe mjeti zjarrfikës. Ekspertimi i kryer në lidhje me ofertat e paraqitura për 3 lote të tenderit ka dokumentuar se ofertat nuk ishin të rregullta dhe janë hartuar nga i njëjti operator ekonomik. Ndërsa në lotet për blerjen e mjeteve autoambulancë dhe zjarrfikës, rezulton se mungojnë pajisjet shtesë dhe shpëtuese kundër zjarrit. Hetimi ka provuar gjithashtu se kërkesa për këto mjete ishte e paargumentuar, nisur nga domosdoshmëria për to. Gjithashtu, është dokumentuar se nuk ishte kompetencë e këtyre drejtorive, përcaktimi i fondit për blerjen e automjeteve, fakt që ngarkon me përgjegjësi titullarin i institucionit. Duke vijuar më tej me tenderat, ka dyshime të dokumentuara se specifikimet teknike nuk kanë krijuar kushte për barazi dhe prishën konkurrencën në procedurën e prokurimit publik. Ndërkohë, vazhdon puna për identifikimin e zyrtarëve dhe personave të tjerë të implikuar në këtë aktivitet kriminal.
ZYRTARËT DHE ISH- ZYRTARËT E PROCEDUAR PENALISHT
1. Aleksandër Lipivani, 42 vjeç, lindur dhe banues në Tiranë, ish- drejtor i përgjithshëm ekzekutiv i Autoritetit Portual Durrës, masa e sigurimit shtrënguese e "Detyrim për t'u paraqitur në Policinë Gjyqësore", pasi dyshohet për kryerjen e veprës penale të "Shpërdorimit të detyrës".
2. Stavri Tagani, 58 vjeç, lindur dhe banues në Durrës, me detyrë ekonomist në Drejtorinë Ekonomike, Autoritetin Portual Durrës,
masa e sigurimit shtrënguese e "Detyrim për paraqitje" dhe "Pezullim nga një ushtrim i një detyre apo funksioni publik", pasi dyshohet për kryerjen e veprës penale të "Shpërdorimit të detyrës" dhe "Shkeljes së barazisë së pjesëmarrjes në tendera".
3. Naim Hoxha, 61 vjeç, lindur dhe banues në Dur-
rës, Inxhinier mekanik në Sektorin Operativ dhe Mjeteve Teknike në Autoritetin Portual Durrës, masa e sigurimit "Detyrim për paraqitje" dhe "Pezullim nga një ushtrim i një detyre apo funksioni publik", pasi dyshohet për kryerjen e veprës penale të "Shpërdorimit të detyrës", dhe "Shkeljes së barazisë së pjesëmarrjes në tendera".
4. Lumturi Koka, 51 vjeçe, lindur dhe banuese në Durrës, ekonomiste në Sektorin e Terminalit Perëndimor në Autoritetin Portual Durrës, masa e sigurimit "Detyrim për paraqitje" dhe "Pezullim nga një ushtrim i një detyre apo funksioni publik", pasi dyshohet për kryerjen e veprës penale të "Shpërdorimit të detyrës" dhe "Shkeljes së barazisë së pjesëmarrjes në tendera".
5. Erion Keçi, 33 vjeç, lindur dhe banues në Durrës, jurist në Sektorin e Prokurimeve Publike në Autoritetin Portual Durrës, masa e sigurimit "Detyrim për paraqitje" dhe "Pezullim nga një ushtrim i një detyre apo funksioni publik", pasi dyshohet për kryerjen e veprës
penale të "Shpërdorimit të detyrës" dhe "Shkeljes së barazisë së pjesëmarrjes në tendera".
6. Joana Ramadani, 35 vjeçe, lindur dhe banuese në Durrës, juriste në Sektorin e Prokurimeve Publike në Autoritetin Portual Durrës, masa e sigurimit "Detyrim për paraqitje" dhe "Pezullim nga një ushtrim i një detyre apo funksioni publik", pasi dyshohet për kryerjen e veprës penale të "Shpërdorimit të detyrës" dhe "Shkeljes së barazisë së pjesëmarrjes në tendera".
7. Arian Myderrizi, 53 vjeç, lindur dhe banues në Durrës, ish- jurist në Sektorin e Prokurimeve Publike në Autoritetin Portual Durrës, masa e sigurimit "Detyrim paraqitje", pasi dyshohet për kryerjen e veprës penale të "Shpërdorimit të detyrës".
8. Auert Koka, 36 vjeç, lindur dhe banues në Durrës, drejtor i Drejtorisë së Burimeve Njerëzore, në Autoritetin Portual Durrës, masa e sigurimit "Detyrim për paraqitje" dhe "Pezullim nga një ushtrim i një detyre apo funksioni publik", pasi dyshohet për kryerjen e veprës penale të "Shpërdorimit të detyrës", dhe "Shkeljes së barazisë së pjesëmarrjes në tendera".
9. Shefqet Xhixha, 55 vjeç, lindur në Krujë dhe banues në Tiranë, ish- zëvendësdrejtor i Forcës së Sigurisë në Autoritetin Portual Durrës, masa e sigurimit "Detyrim për paraqitje", pasi dyshohet për kryerjen e veprës penale të "Shpërdorimit të detyrës" dhe "Shkeljes së barazisë së pjesëmarrjes në tendera".
10. Ylli Kërtusha, 66 vjeç, lindur dhe banues në Durrës, ish- specialist i blerjeve të vogla në Sektorin e Prokurimeve Publike, masa e sigurimit "Detyrim për paraqitje", pasi dyshohet për kryerjen e veprës penale të "Shpërdorimit të detyrës" dhe "Shkeljes së barazisë së pjesëmarrjes në tendera".
Me tenderat ka dyshime të dokumentuara se specifikimet teknike nuk kanë krijuar kushte për barazi dhe prishën konkurrencën në procedurën e prokurimit publik. Ndërkohë, vazhdon puna për identifikimin e zyrtarëve dhe personave të tjerë të implikuar në këtë aktivitet kriminal.