Kryemadhi, thirrje socialistëve: Largoni Ramën, ose PS- së i erdhi fundi
"Kryeministri, i fortë pranë kriminelëve"
Kryetarja
e LSI- së, Monika Kryemadhi ftoi dje socialistët të sensibilizohen të largohen nga Rama, ose ta largojnë këtë të fundit, pasi në të kundërt historia e PS- së prej 80 vitesh është e destinuar të mbyllet këtë vit. Sipas saj, Rama ka blerë PS 11 vite më parë dhe e ka tjetërsuar atë në parti të krimit e drogës dhe mjerimit të shqiptarëve. "Unë do t'u lutem nga kjo foltore të gjithë socialistëve të largohen prej tij, sepse ai nuk është PS. Ai është një segment kriminal, që rrëmbeu PS- në 11 vjet më parë dhe e tjetërsoi në partinë e krimit të trafikut dhe të mjerimit të Shqiptarëve. Nga foltorja e Kuvendit u bëj thirrje të gjithë socialistëve të ndershëm edhe atyre pak deputetëve që janë në këtë sallë si përfaqësues të PS- së të sensibilizohen dhe të largojnë Edi Ramën, nëse duan ta shpëtojnë atë. Në të kundërt, historia e PS- së prej 80 vitesh është e destinuar të mbyllet këtë vit", deklaroi Kryema- dhi. Ajo akuzoi më tej: "Sot parlamenti është i qetë, sepse të gjithë përfaqësuesit dhe ambasadorët e krimit kanë dalë jashtë. Por, misioni ynë nuk është vetëm këtu, por të sensibilizojmë shqiptarët për të kundërshtuar çdo veprim arbitrar dhe të largojmë Edi Ramën. Vetëm kështu, ai do gjejë qetësinë e shpirtit të trazuar, që nuk e lë të flejë. E vetmja mënyrë e tij është të largohet sa më shpejt, t'i krijojë hapësirë vetes së tij në llumin e vet, që e ka uzurpuar. Unë u lutem të gjithë socialistëve që të largohen prej tij, sepse ai është element kriminal që bleu PS 11 vite më parë dhe e tjetërsoi në partinë e krimit e trafikut dhe të mjerimit të shqiptarëve".