Xhaçka: Qeveria shqiptare vendosi shtimin me 60% të trupave në misionet e NATO- s
Ministrja e Mbrojtjes, vizitë zyrtare në SHAPE
Ministrja
e Mbrojtjes, Olta Xhaçka zhvilloi një vizitë zyrtare në Shtabin Suprem të Fuqive Aleate në Evropë ( SHAPE), ku u prit nga komandanti suprem i forcave aleate në Evropë, gjeneral me katër yje, Curtis M. Scaparrotti. Qëllimi i kësaj vizite ishte përforcimi i bashkëpunimit të Shqipërisë dhe Komandës së Aleancës për Operacionet ( ACO) dhe për të diskutuar angazhimin e fortë të vendit tonë në operacionet e NATO- s. Gjeneral Scaparrotti theksoi rolin kyç të Shqipërisë në Ballkanin Perëndimor dhe Afganistan, duke kontribuar në sigurinë e përbashkët të NATO- s. Më takimin me ushtarakun e lartë amerikan, ministrja Xhaçka shprehu vendosmërinë e vendit tonë për të kontribuuar në të gjitha operacionet e NATO- s. "Shqipëria qëndron e angazhuar dhe do të vazhdojë kontributet në Misionin Resolute Support në Afganistan, KFOR Kosovë, Praninë e Përparuar të NATO- s në Letoni, aktivitetet detare të NATO- s në detin Egje, Forcën e Reagimit të NATO- s dhe Qendrën Rajonale për Jugun në Napoli", u shpreh ministrja. Gjeneral Scaparrotti theksoi rëndësinë e kontributit të Shqipërisë në NATO dhe rritjen e fundit të shpenzimeve të mbrojtjes. Më tej, ministrja Xhaçka e njohu gjeneral Scaparrottin me miratimin e vendimit të qeverisë shqiptare për të shtuar numrin e trupave në Afganistan. "Vetëm disa ditë më parë, qeveria shqiptare miratoi shtimin me 60% të trupave tona në Misionin Resolute Support. Për më tepër, për vitin 2019, Shqipëria ka marrë në konsideratë dhe ka vendosur në parim për të rritur kontributin tonë me personel shtesë". Pas takimit me komandantin suprem të forcave aleate në Evropë, gjeneral me katër yje Curtis M. Scaparrotti, ministrja Xhaçka foli edhe për rritjen e vëmendjes së qeverisë jo vetëm për ushtarakët shqiptarë në misionet jashtë vendit.