Ndërprerja e vetingut për Adriatik Llallën, KPA shqyrton ankimimin
Zbardhen provat që mori Kolegji i Apelimit, në datë 6 qershor jepet vendimi Ish- kryeprokurori firmos prokurë nga Turqia, Sokol Hazizaj përfaqësuesi ligjor
Kolegji i Posaçëm i Apelimit në një se ancë që zgjati për rreth 3 orë, vendosi ditën e djeshme, se data 6 qershor do të jetë vendimtare nëse ish- kryeprokurori Adriatik Llalla do i nënshtrohet apo jo vetingut. Gjatë seancës, Komisioneri Publik argumentoi pse Llalla duhet të jetë subjekt i kontrollit të pasurisë, figurës dhe aftësive profesionale.
Trupa gjykuese vendosi të marrë dy prova lidhur me ankimimin e KPK- së për ndërprerjen e vetingut ndaj ish- kryeprokurorit. Bëhet fjalë për dorëheqjen e Llallës si prokuror në vitin 2008 dhe prova e dytë urdhër largimi nga detyra i Prokurorit të Përgjithshëm në dhjetor të vitit 2017. Ish- kryeprokurori u përfaqësua në seancë nga avokati tij Sokol Hazizaj. Me anë të një prokurore të firmosur më datë 28 Maj në Turqi, ai i jepte atij të gjitha tagrat ligjor për ta përfaqësuar. Kreu i trupit gjykues, Sokol Çomo lexoi prokurën dhe më pas trupa e gjyqtarëve u tërhoq për të marrë vendimin nëse kjo prokurë është e vlefshme apo jo. "Jemi para një akti zyrtar në paraqitjen formale të hartuar në shtetin turk. Kemi aktin të hartuar në gjuhën turke, është përkthyer dhe në gjuhën shqip. Akti është i pajisur edhe me vulën apostile sipas konventës së Hagës. Përmbajtja: Emëroj si përfaqësues ligjor avokatin Sokol Hazizaj, të cilit i jap të gjitha të drejtat që parashikon ligji për të më mbrojtur në mungesën time para çdo institucioni publik. Në kushtet kur kam marrë dijeni për orën dhe datën e gjykimit ditën enjte 31.5 2019 në orën 1- prapë KPA do të gjykohet në seancë gjyqësore publike çështja nr. 1 e vitit 2018, për ankimin që Komisioneri Publik ka bërë kundër vendimit të KPK për rivlerësimin. E kam të pamundur të jem i pranishëm apo të paraqitem, si dhe më pas autorizoj caktoj si përfaqësues të posaçëm ligjor avokatit Hazizaj për të më përfaqësues gjatë dhe gjithë gjykimin në mungesën time. Avokatit i njoh të drejtën që të më mbrojë të paraqesë çdo ankesë dhe të grumbullojë prova dhe t'i paraqesë ato para KPA. Vullneti i Llallës për t'u përfaqësuar nga Sokol Hazizaj është deklaruar para një noteri në Turqi në datë 28.05.2018, në prani në të një përkthyeseje, që ka përkthyer prokurën, sipas përmbajtjes dhe në të njëjtën kohë ky dokument është pajisur me 29.05.2018 edhe me vulë apostile. Trupi arriti në konkluzionin, se avokati i ka tagrat për të përfaqësuar Adriatik Llallën",- deklaroi Çomo. Ndër-
sa Komisionerët thanë se nga pikëpamja formale duket e vlefshme, por i kërkuan gjyqtarit Çomo të vlerësojë përmbajtjen. Më pas trupi gjykues u tërhoq për të bërë vlerësimin kësaj prokure, e cila u quajt e vlefshme, çka solli edhe vendimin e shqyrtimit të ankimimit. "Trupi gjykues arriti në konkluzionin se avokati Sokol Hazizaj i ka tagrat e përfaqësimit për të vazhduar rivlerësimin dhe
në mungesë të Llallës. Ndaj e deklaroj shqyrtimin të hapur", tha gjyqtari Çomo. Gjatë seancës avokati i Llallës kërkoi ndërprerjen e procesit të vetingut për ishkryeprokurorin pasi dha dorëheqjen nga sistemi, por Komisioneri Publik kundërshtoi. Hazizaj u shpreh se jo vetëm që Llalla nuk e gëzon më statusin e magjistratit pasi prej 2008 ai nuk është më prokuror me dekret presidenti, por dorëheqja e tij ësh-
të kryer në formë ligjore. Për të argumentuar pretendimin e tij Hazizaj prezantoi si provë dekretin e presidentit që në 2008 e ka shkarkuar si prokuror Llallën duke e emëruar në krye të ILDKPKI dhe po ashtu vendimin e shkarkimit që parlamenti bëri në dhjetor 2017 kur Llalla u zëvendësua nga kryeprokurorja Arta Marku. "Ne jemi në situatën kur ai largohet pasi i mbaron mandati për shkak se e ka vendosur Kuvendi. Gjatë seancës, Komisioneri Publik argumentoi pse Llalla duhet të jetë subjekt i kontrollit të pasurisë, figurës dhe aftësive profesionale. Trupa gjykuese vendosi të marrë dy prova lidhur me ankimimin e KPKsë për ndërprerjen e vetingut ndaj ishkryeprokurorit. Bëhet fjalë për dorëheqjen e Llallës si prokuror në vitin 2008 dhe prova e dytë urdhër largimi nga detyra i Prokurorit të Përgjithshëm në dhjetor të vitit 2017.
Llalla kishte të drejtën që të rikthehej në detyrën si prokuror, por Llalla ka vendosur të largohet, prandaj nuk mund t'i nënshtrohet vetingut. Llalla i ka realizuar të gjitha detyrimet ligjore. Dorëheqja është e parashikuar në ligj. Duhet të lihet në fuqi vendimi i KPK për Adriatik Llallën",- u shpreh avokat i Llallës, Sokol Hazizaj. Por sipas Florian Ballhysës, në bazë të ligjit, statusi i magjistratit mbaron kur subjekti jep dorëheqjen te Këshilli i Lartë Gjyqësor ose Këshilli i Lartë i Prokurorisë, në kushtet kur këto dy institucione nuk janë ngritur akoma, ligji parashikon që duhet ta kishte dërguar dorëheqjen te KLD. "Në shkresën informuese që Llalla i dërgoi KPK deklaronte se nuk ishte më prokuror i përgjithshëm dhe për këtë arsye nuk ishte më subjekt i ligjit. KPK informoi Llallën se edhe pse nuk ishte prokuror gëzonte statusin e magjistratit. Llalla nuk ka respektuar ligjin për dorëheqjen nga statusi i magjistratit. Dorëheqjen e paraqiti pranë presidentit dhe jo pranë KLD- s sikur e parashikon ligji. KPK nuk beri asnjë verifikim nëse Llalla respektoi ligjin kur dorëzoi dorëheqjen",- u shpreh Komisioneri Publik Florian Ballhysa. Ndërkohë avokati Sokol Hazizaj, kërkoi 10 ditë kohë për të përgatitur konkluzionet përfundimtare dhe kjo kërkesë është pranuar nga trupi gjykues që vendosi se seanca e radhës do të jetë në 6 qershor në orën 13: 00. Kujtojmë se trupa gjykuese përbehet nga pesë gjyqtarë mes të cilëve dhe ishkryeprokurorja Ina Rama, Sokol Çomo, Albana Shtylla dhe Ardian Hajdari, ndërsa relator i çështjes është caktuar me short gjyqtari, Luan Daci.