"Luarasi", marrëveshje bashkëpunimi me Fondacionin Italian
Presidenti i organizatës vlerëson maksimalisht institucionin elitar të arsimit të lartë Gennaro Damato: Përfitimet që do të kenë studentët
Kolegji Universitar "Luarasi" ka nënsh kruar një marrëveshje bashkëpunimi me Fondacionin Italian, një organizatë kërkimore. Kjo e fundit ka në fokus promovimin dhe shpërndarjen e kulturës, vlerave, traditave dhe inovacionit si dhe operon në fushën e mësimdhënies, kërkimit shkencor dhe trajnimeve në Itali dhe jashtë saj. Ndërkombëtarizimi i aktiviteteve kërkimore dhe trajnuese duke përfshirë pjesëmarrjen në projekte ndërkombëtare dhe europiane, paraqet një objektiv strategjik veçanërisht kur lidhet me mundësitë e shumta që u ofrohen studentëve siç janë programet e financuara nga Bashkimi Evropian si Erasmus +. Zhvillimi i seminareve, konferencave dhe projekteve kërkimore e studimore janë, gjithashtu, pjesë e këtij bashkëpunimi. Presidenti i Fondacionit Italian, Gennaro Damato, e vlerësoi maksimalisht Kolegjin Universitar Luarasi e më tej listoi të gjitha përfitimet që do të kenë studentët nga ky bashkëpunim. "Fondacioni Italian e vlerëson shumë bashkëpunimin me Luarasin dhe vlerëson dhe pozicionin e "Luarasit" sidomos ndërtesën. Transmeton një vend ku formësohet dija me elegancë. Ne si organizatë kërkimore italiane, kemi një sërë bashkëpunimesh me shumë institucione arsimore",- tha Damato. Më tej ky i fundit bëri me dije se synimi kryesor është që t'i ofrohet studentëve sa më shumë barazi. "Mund t'i ofrojmë studentëve të Luarasit bashkëpunim sa i takon projekteve të Bashkimit Europian siç është Erasmus Plus. Duam barazi të trajtimit të studentëve që përfundojnë studimet në Itali dhe Shqipëri në mënyrë që kur ata të merren në punë nga kompani të ndryshme të jenë në të njëjtin nivel",- shtoi presidenti i kësaj organizate. Kjo marrëveshje bashkëpunimi është në përputhje me misionin kulturor të Fondacionit Italian, i cili synon të inkurajojë veprimet e ' diplomacisë kulturore', jo vetëm në territorin kombëtar italian, por veçanërisht në mes të Italisë dhe vendeve të treta, ndër të cilat tashmë ekzistojnë bazat e një marrëdhënieje të përbashkët dhe bashkëpunuese.
MARRËVESHJA
Marrëveshja do të lejojë promovimin e modeleve dhe strategjive të reja për të forcuar lidhjen me territorin, edhe në aspektin social dhe kulturor, nëpërmjet eksperimentimit të formave të reja të komunikimit, të shpërndarjes së njohurive dhe të përvojës. Pas nënsh- krimit të marrëveshjes, do të realizohen projekte të përbashkëta që synojnë financimin e programeve të lidhura me Bashkimin Evropian, si Erasmus, si dhe projekte në bashkëpunim me organe të tjera dhe institucione ndërkombëtare në një klimë të rrjetit kulturor dhe zhvillimit socio- kulturor. Kjo marrëveshje trevjeçare është pjesë integrale e misionit të Fondacionit, të angazhuar në të gjithë botën në veprimtarinë e saj të Diplomacisë Kulturore, duke promovuar format e zhvillimit dhe hulumtimeve inovative dhe duke nxitur një zhvillim ndërkulturor dhe ndërkombëtar të territorit. Bashkëpunimi është në përputhje me misionin kulturor të Fondacionit Italian, i cili synon të inkurajojë veprimet e ' diplomacisë kultur- ore', jo vetëm në territorin kombëtar italian, por veçanërisht në mes të Italisë dhe vendeve të treta, ndër të cilat tashmë ekzistojnë bazat e një marrëdhënieje të përbashkët dhe bashkëpunuese. Fondacioni Italiani sjell me vete një sërë marrëdhëniesh institucionale dhe kulturore që sjellin pasoja pozitive për partnerët e nënshkrimit. Në veçanti për Shqipërinë, partneriteti midis Fondacionit Italiani dhe Fondacionit të Pakicave Gjuhësore të Kalabrisë është strategjik, brenda të cilit Bashkimi i Bashkive arbëreshe është aktiv.