Presidenti Meta: Raporti, kambanë alarmi për t’u angazhuar më shumë për fëmijët
Statistikat e “Save the Children”/ Vdekshmëria më e lartë e foshnjave, në vendin tonë
Presidenti
i Republikës së Shqipërisë, Ilir Meta priti ditën e djeshme aktivistët e protestës, të cilët i dorëzuan peticionin me kërkesat për mbrojtjen e fëmijëve. Bazuar në raportin më të fundit të Save the Children, Meta kërkoi që të bëhet më shumë punë për fëmijët dhe u shpreh se këto shifra duhet të shërbejnë si një kambanë alarmi për të gjitha instancat përgjegjëse. “Unë dua të falënderoj Shoqërinë Civile për këtë angazhim mjaft serioz në ditën e 1 Qershorit. Të festojmë me fëmijët, por më e rëndësishme për të gjithë ne është të angazhohemi për fëmijët që nuk kanë mundësi dhe janë të kufizuar për aksesin e tyre për edukim. Këtë peticion do e lexoj me vëmendje dhe besoj që raporti i fundit i ‘ Save the Children’ është një kambanë alarmi për të gjithë që t’i adresojmë ato probleme mjaft serioze. Të gjithë bashkë duke i njohur këto probleme. Peticion dhe protestë konstruktive, më falni se dera u hap pak me vonesë”,tha presidenti në fjalën e tij.
Me rastin e Ditës Ndërkombëtare të Fëmijëve, 1 qershorit, Kuvendi i Shqipërisë nëpërmjet grupit të deputetëve “Miqtë e Fëmijëve” zhvilloi në mjediset e sallës së Kuvendit të Shqipërisë aktivitetin “Dita e fëmijëve në Kuvendin e Shqipërisë”. Në aktivitet morën pjesë Kryetari i Kuvendit, Gramoz Ruçi, zëvendëskryetarja e Kuvendit, Vasilika Hysi, ministra, deputetë e përfaqësues të organizatave për mbrojtjen e fëmijëve. Në aktivitetin e zhvilluar në Kuvendin e Shqipërisë u prezantua grupi i fëmijëve “Zëri 16+…”, përfaqësues të të cilit prezantuan gjetjet dhe rekomandimet e raportit “Zëri i të Rinjve 2017,
PROBLEMET
“Të angazhohemi për fëmijët që nuk kanë mundësi dhe janë të kufizuar për aksesin e tyre për edukim. Raporti i fundit i ‘ Save the Children’ është një kambanë alarmi për të gjithë që t’i adresojmë ato probleme mjaft serioze”,- tha Meta.
Shqipëri”. Në raportin e paraqitur, fëmijët u përqendruan te nevoja për pjesëmarrje të fëmijëve në të gjitha nivelet e qeverisjes, për më tepër llogari institucionale në raport me përmbushjen e të drejtave të fëmijëve, për një qasje të re sa i takon rolit të shkollës, familjes dhe qeverisë vendore në komunitet.