Haradinaj: Terroristët kanë financuar njerëzit e tyre në Kosovë dhe Shqipëri
Bashkëpunimi kundër terrorizmit, Rama: Toleranca fetare, një thesar për Shqipërinë Princi i Jordanisë: Ekstremizmi, një sfidë ideologjike
Bashkëpunimi në luftën ndaj terror izmit dhe ekstremizmit u diskutua dje, në Tiranë në një konferencë me temë "Së bashku kundër ekstremizmit të dhunshëm", ku mori pjesë princi i Jordanisë Ghazi Bin Muhammad. Kryeministri i Shqipërisë Edi Rama nënvizoi rëndësinë e bashkëjetesës mes komuniteteve fetare në Shqipëri, madje duke e konsideruar një thesar që duhet ruajtur. Ky aktivitet bëhet në kuadrin e Procesit të Aqaba, ku mendohej të merrte pjesë edhe Mbreti Abdulla i Dytë i Jordanisë, por nuk ka mundur për shkak të problemeve në vendin e tij. "Është e vërtetë që ne kemi këtë trashëgimi fantastike të mrekullueshme. Ndonjëherë duket goxha mbresëlënëse, goxha e mrekullueshme, nga njëra anë, kur shihet kjo vëllazëri ndërkufitare, ndërsa në anën tjetër shihet mungesa e vëllazërisë mes politikanëve. Por ajo çka është shumë e rëndësishme sot e kësaj dite është të kuptojmë që kjo nuk është diçka e dhënë, është një trashëgimi e ndërtuar brez pas brezi në rrethana shumë të ndryshme, ndonjëherë edhe shumë tragjike",- u shpreh Rama. "Ne po mundohemi të bëjmë më të mirën tonë dhe do të vazhdojmë ta bëjmë diçka të tillë",- u shpreh më tej, Rama. "Kur mendojmë për terrorizmin dhe radikalizmin, ne gjithmonë priremi të mendojmë që është një çështje kufijsh dhe vijash shumë të mirëpërkufizuara dhe një problem me të cilin duhet të përballemi ballë për ballë dhe që është një çështje e forcave përfundimtare. Por, faktikisht, në themel është një luftë që bëhet në zemrat e njerëzve. Kështu që të fitojmë zemrat dhe mendjet e njerëzve është shumë më e komplikuar dhe e ndërlikuar, sesa të fitosh një betejë në një fushëbetejë dhe të pushtosh një territor, apo të largosh nga një territor një forcë keqbërëse dhe keqdashëse për një periudhë të caktuar kohe. Pra, është një betejë e vazhdueshme dhe me të gjitha këto që po ndodhin, me teknologjinë, me internetin dhe me rrjetet sociale, lufta nuk do të luftohet më thjeshtë, do të jetë akoma më e vështirë për ta luftuar atë",- tha kryeministri Rama. Ai tha se kjo betejë duhet filluar me fëmijët. "Toleranca fetare është një thesar i vërtetë, që ne duhet ta mbrojmë. Brezat e ardhshme duhet të jenë të ndërgjegjshëm për këtë thesar",- tha Rama.
FINANCIMI
Ndërkaq kryeministri i Kosovës, Ramush Haradinaj ka folur me shifra mbi hetimet që po zhvillohen ndaj mbështetësve, ndërsa dha alarmin për financime që sipas tij po bëhen me paratë e terrorizmit në Kos- "Egoizmin e disa prej vendeve Europiane duhet ta kapërcejmë. Edhe ne në Bullgari duhet të bëjmë më shumë akoma. Meqenëse jemi në Shqipëri, mendoj se duhet t'i jepet një datë, që së bashku me liderët e saj po bën përpjekje dhe ne duhet ta mbështesim këtë në luftën kundër ekstremizmit", - theksoi kryeministri bullgar.
ovë dhe në Shqipëri. "Historia jonë dhe harmonia jonë na ndihmon në këtë rrugë. Ne kemi një identitet që është me të vërtetë i fuqishëm i pasur. Ata nuk janë islamik, por janë terroristë. Ata e akuzojnë rrjetin islamik dhe fatkeqësisht kanë financuar dhe kanë disa nga njerëzit e tyre në Kosovë dhe në Shqipëri. Kosova është e ndërgjegjshme sa i përket rrezikut të terrorizmit. Si vend i vogël ne kemi pasur disa qytetarë që janë drejtuar në luftën. Në Siri ka akoma kosovarë dhe fëmijë. Ka një proces hetimi në Kosovë dhe 35 janë vënë në pranga",- u shpreh Haradinaj. Por ai shtoi se "në Siri ka akoma 59 kosovarë burra dhe 49 gra dhe 59 fëmijë që lindin atje. Në Kosovë janë kthyer 23 burra, 7 gra dhe 3 fëmijë". Nga ana e tij, Princi i Jordanisë Ghazi Nin Muhammad tha se ekstremizmi është një sfidë ideologjike, në Jordani ka programe të posaçme për ata që kthehen nga ISIS. Ndërsa e quajti ekstremizmin një sfidë ideologjike, ai tha se në Jordani ka programe të posaçme për ata që kthehen nga ISIS. "Nëse e shohim faktorin ideologjik, si faktorin shtytës, ka edhe faktor tërheqës. Zoti i përgjigjet edhe lutjeve të atij që ka bërë gabim. Edhe ata që kanë qenë luftëtarë, edhe ata që kanë vepruar gabim, Zoti u lejon atyre të kthehen",- u shpreh ai.