Romina Kuko: Prioritet, kthimi i grave e fëmijëve të mbetur në Siri

Mbështetja

financiare për terrorizmin dënohet me jo më pak se 15 vjet burg, bëri të ditur zv- ministrja e Brendshme, Romina Kuko në "Konferencën Rajonale kundër Ekstremizmit të Dhunshëm" që u zhvillua në Tiranë. "Shqipëria ka zhvilluar një sërë instrumentesh dhe mekanizmash, vendas dhe ndërkombëtar, për t'u ballafaquar me ekstremizmin e dhunshëm. Ndryshimet e fundit përfshijnë ndryshimin e nenit 230 të Kodit Penal, për të përfshirë krimet e natyrës terroriste, me qëllim të shpërndarjes së panikut mbi popullsinë, ose duke synuar dhe shkatërruar strukturat themelore politike, kushtetuese, ekonomike apo shoqërore të shtetit. Neni 230/ a merret me mbështetjen financiare për terrorizmin, duke e dënuar atë me jo më pak se 15 vjet burgim, ndërsa 230/ b merret me mbështetjen e fshehtë financiare për aktet terroriste", - tha Kuko. Duke bërë të ditura masat që janë marrë edhe si detyrime ndërkombëtare për luftën kundër terrorizmit, Kuko tha më tej se është hartuar "Plani i Veprimit Ndërinstitucional" për pritjen dhe trajtimin e shtetasve shqiptarë gjatë kthimit nga vendet në konflikt Siri/ Irak, njëkohësisht është përpiluar projektvendimi për miratimin e këtij drafti. Zv- ministrja e Brendshme, Romina Kuko, tha se prioritet mbetet kthimi i shqiptarëve që ndodhen në zonat e luftës, në Siri dhe Irak. Ajo shtoi se Shqipëria ka forcuar bashkëpunimin me CIA- n apo FBI- në. Dhjetëra gra e fëmijë kanë mbetur në zonat e luftës në Siri, pasi prindërit e bashkëshortët e tyre janë vrarë gjatë pjesëmarrjes në luftime.