BE grante për gazetarinë e pavarur, Vlahutin: Do ju mbështesim

Ambasadorja

e BE- së, Vlahutin i drejtohet Këshillit Shqiptar të Medias: "Gazetaria etike duhet të jetë normë dhe jo përjashtim. Gazetarët që ngrenë zërin për standardet etike, duhet të mbështeten dhe jo të margjinalizohen". Ajo përmendi se: "Është e rëndësishme të dini se nuk jeni vetëm". Vlahutin tha: "BE- ja e ka mbështetur punën e Këshillit të Medias përmes granteve, ne i kemi ofruar mbështetje Institutit Shqiptar të Medias dhe së shpejti do të fillojmë mbështetjen tonë për transmetuesin publik dhe për shkollën e gazetarisë. Në vitin 2018 dhe për dy vitet e ardhshme, delegacioni i BE- së do të paraqesë gjithashtu një program mbështetës për gazetarinë investigative të pavarur. Përmes granteve, ne do të ofrojmë mundësinë për t'i ndihmuar gazetarët të krijojnë një kulturë më të fortë të produksioneve të pavarura dhe të bazuara në fakte. Gazetaria etike duhet të jetë normë dhe jo përjashtim. BE- ja do t'i mbështesë gjithmonë gazetarët që luftojnë për profesionalizëm dhe pavarësi. Por ndryshimi duhet të vijë nga ju, në praktikën e përditshme të punës suaj. Ne mund të mbështesim sa më shumë që të jetë e nevojshme, por nuk mund ta ndryshojmë realitetin shqiptar. Vetëm qytetarët e Shqipërisë mund ta bëjnë këtë, të udhëhequr nga të gjithë njerëzit e ndershëm dhe të përkushtuar, që kujdesen për interesin e këtij vendi shumë më tepër sesa për interesat e tyre personale ose të grupit", deklaroi zj. Vlahutin.

MBËSHTETJA

"BE- ja do t'i mbështesë gjithmonë gazetarët që luftojnë për profesionalizëm dhe pavarësi. Por ndryshimi duhet të vijë nga ju, në praktikën e përditshme të punës suaj. Ne mund të mbështesim sa më shumë që të jetë e nevojshme, por nuk mund ta ndryshojmë realitetin shqiptar", tha Vlahutin.