Çështja e emrit, ambasadori i SHBA- ve në Maqedoni: Duhet një zgjidhje e pranueshme
Grekët paralajmërojnë protesta të reja në Athinë
Vetëm
pak ditë përpara Samitit të NATO- s në Bruksel, kur Maqedonia pritet të marrë ftesën për anëtarësim në Aleancë, më 8 korrik në Athinë janë paralajmëruar protesta kundër zgjidhjes që do të përmbante termin "Maqedoni". Ndërsa protesta e dy ditëve më parë në 24 qytetet e ndryshme të Greqisë kaloi përgjithësisht e qetë dhe pa pjesëmarrje masive, sikurse protestat e shkurtit. Por sipas organizatorit të protestës, Oton Jakovidis, qëllimi i protestës së fundit nuk ishte pjesëmarrja ma-
XHES BEJLI:
"Vazhdojnë negociatat mes të dyja palëve me ndihmën e Kombeve të Bashkuara. Për shkak të çështjes specifike unë do u lë të dyja vendeve të gjejnë një zgjidhje të përbashkët të pranueshme, të cilën qytetarët e presin prej kohë të gjatë", deklaroi Xhes Bejli, ambasador i SHBA- ve në Shkup.
sive, por betonimi i qëndrimit grek kundër përdorimit të termit "Maqedoni" nga fqinji si dhe organizimi i referendumit për cilëndo emër për të cilën palët do të bien dakord. "Protestat e para në Selanik dhe Athinë dëshmuan num-
rin e madh të qytetarëve që nuk pranojnë që emri i Maqedonisë t'i jepet vendit fqinj, ndërsa në protestën e djeshme, qëllimi nuk ishte të tregohet pjesëmarrja, por që populli është plotësisht i koordinuar në bazë të ven- dimit të miratuar me rezolutat e protestave të mëparshme. Populli jo vetëm që kundërshton që fqinjit t'i jepet emri Maqedoni, por kërkon organizimin e referendumit", - deklaroi Oton Jakovidis, organizator i protestës në Greqi. Ndërkaq, sipas zëdhënëses së Grekëve të Pavarur, partnerit të koalicionit qeveritar të kryeministrit Cipras, mobilizimi përmes protestave forcon pozitat negociuese të grekëve. "Mendoj se kishte njerëz që i përkisnin gjithë spektrit ideologjik… Protestat me të vërtetë e treguan patriotizmin e grekëve, frymën dhe dëshirën e grekëve që të mos përdoret termi Maqedoni", - u shpreh Madalena Papadopulo, zëdhënëse e Grekëve të Pavarur. Protesta e një dite më parë është vlerësuar si e suksesshme edhe për numrin e pjesëmarrësve, por edhe fak- tit që kaloi pa incidente. Ata morën mbështetjen e partive opozitare, autoriteteve lokale, por edhe nga priftërinjtë, njofton "Alsat M". Ndërkaq, SHBA- të prej një kohe të gjatë po u jepin mbështetje Greqisë dhe Maqedonisë lidhur me zgjidhjen e çështjes së emrit. Kështu ka deklaruar ambasadori amerikan në Maqedoni, Xhes Bejli, sipas të cilit zgjidhja e këtij kontesti do të sjellë të mira për të dyja vendet, por gjithashtu do të kontribuojë edhe për paqe dhe prosperitet në tërë rajonin. "Vazhdojnë negociatat mes të dyja palëve me ndihmën e Kombeve të Bashkuara. Për shkak të çështjes specifike, unë do u lë të dyja vendeve të gjejnë një zgjidhje të përbashkët të pranueshme, të cilën qytetarët e presin prej një kohe të gjatë", deklaroi Xhes Bejli, ambasador i SHBA- ve në Shkup.