Qeveria: Qendër rajonale, jo grumbullim i ish- militantëve të ISIS- it

Shqipëria ngre kamp për terroristët e ISIS? Basha: Karamele e Ramës për Europën! Lleshi: Si u keqpërdor fraza e kryeministrit të Bullgarisë

Qeveria është vënë së fundmi përballë akuzave të forta të opozitës për ngritjen e një kampi rehabilitimi në Shqipëri për terroristët e ISIS. Por sipas kreut të PD- së, Lulzim Basha, ngritja e një kampi refugjatësh në Shqipëri është një vendim që nuk mund të merret nga një person i vetëm dhe sipas tij, kjo nuk duhet të serviret si një karamele për të ëmbëlsuar gojën e hidhur të Europës nga skandalet e Tahirit dhe Xhafajt. "Unë kam qenë në komunikim të vazhdueshëm, përfshi edhe kancelarin Kurz dhe të tjerë përfaqësues të qeverive perëndimore edhe mbi këtë problem. Shqetësimi sa i përket Shqipërisë dhe aktivizimit të ashtuquajturës rrugë ballkanike ka të bëjë me a është e aftë Shqipëria në këtë gjendje të shtetit ligjor, në këtë gjendje të luftës ndaj korrupsionit dhe krimit, që konsiderohet e pamjaftueshme të përballojë një krizë të tillë?! Ne si opozitë jemi të angazhuar për të dhënë kontributin tonë, nga ana tjetër kemi bërë fare të qartë që ashtu si në luftën kundër trafikut të drogës, trafikut të qenieve njerëzore, luftës kundër korrupsionit qeveritar, diferenca bëhet nga mungesa e vullnetit politik apo nga ekzistenca e vullnetit politik. Opozita, PD ka demonstruar katërcipërisht vullnetin politik për t'u përballur me të vërtetat, jo për t'i fshehur ato, as për të pretenduar që nuk ekzistojnë, ndërsa një qeveri e cila deri më dje mohonte krimin, drogën, në vlerësimin tonë nuk ka as besueshmëri, as vullnetin politik dhe as potencialin për të mobilizuar kapacitetet shtetërore. Ndaj, një dimension i tillë që kapërcen kufijtë e vendit tonë nuk mund të jetë një vendim i vetëm një personi, aq më pak nëse kjo serviret si karamele për të ëmbëlsuar gojën e hidhur të Europës nga skandalet ' Tahiri', ' Xhafaj' dhe lufta e pamjaftueshme kundër drogës dhe krimit", deklaroi z. Basha.

REAGIMI

Pas lajmeve që qarkulluan në media se në Shqipëri mund të ngrihej një qendër "Një dimension i tillë që kapërcen kufijtë e vendit tonë nuk mund të jetë një vendim i vetëm një personi, aq më pak nëse kjo serviret si karamele për të ëmbëlsuar gojën e hidhur të Europës nga skandalet ' Tahiri', Xhafaj dhe lufta e pamjaftueshme kundër drogës dhe krimit", deklaroi z. Basha.