Negociatat, Lang: Konsensus mes palëve, të shmangen konfliktet
Gjermania pa datë për negociatat, i dërguari i Merkel: Luftoni korrupsionin Kusht përshpejtimi i vetingut, jo "Tahiri" e "Xhafaj"
Gjermania ende nuk ka një vendimmarrje për votë pro apo kundër hapjes së negociatave për Shqipërinë në fund të qershorit. Klasës politike i kërkon konsensus për thellimin e reformave dhe shmangien e konflikteve. I dërguari i Kancelares gjermane në Tiranë, Sekretari i Shtetit për Marrëdhëniet me Parlamentin në Ministrinë Federale të Drejtësisë dhe Mbrojtjes së Konsumatorit, Christian Lange, bëri të qartë dje në Tiranë se për hapjen e negociatave reforma në drejtësi do jetë kyçe në këtë vendimmarrje. "Sot ende nuk mund t'ju jap një përgjigje lidhur me vendimin që do marrë qeveria federale në këtë drejtim. Por ajo që mund t'ju them është se progresi në reformën e drejtësisë, përshpejtimi i reformave në procesin e drejtësisë është një nga hapat e rëndësishme që do të kenë ndikim në këtë vendimmarrje dhe siç jeni të informuar ky është një vendim unanim që merret nga shefat e qeverive dhe të shteteve. Patjetër që edhe shtete të tjera anëtare do të hedhin vështrimin nga sistemi i drejtësisë të Shqipërisë. Sistemi i drejtësisë është i rëndësishëm edhe për ne, ka një rëndësi të madhe, kjo është arsyeja që unë kam ardhur sot",- tha z. Christian Lange. Kur na ndajnë vetëm 2 javë nga vendimi për hapjen e negociatave për anëtarësimin e Shqipërisë në BE, zyrtari gjerman bëri të ditur se Gjermania do të ketë vendimin e saj brenda afateve kohore. "Ne do ta marrim vendimin tonë në kohë, vendim që do merret para mbledhjes së Këshillit Europian. Çështja e zhvillimeve në fushën e drejtësisë do të luajë një rol të rëndësishëm. Sistemi i drejtësisë është çelësi për një zhvillim ekonomik. Një shtet i së drejtës që funksionon është dhe baza për funksionimin e ekonomisë dhe biznesit. Pa shtetin e së drejtës nuk mund të ketë atraktivitet për investitorët",- deklaroi z, Christian Lange.
KUSHTET
Duke komentuar mesazhet e ditëve të fundit të zv/ kryetarit të Grupit Parlamentar CDU/ CSU, Johann David Wadephul, se Shqipëria nuk ka plotësuar asnjë kusht për hapjen e negociatave dhe se Tahiri është peshk i madh dhe Xhafaj duhet të largohet, Christian Lange tha se është i surprizuar nga kolegu i tij. "E kam dëgjuar deklaratën e kolegut Wadephul dhe mund t'ju them që Gjermania nuk e ka traditë të mbajë qëndrim mbi çështje të politikës së "Ne do ta marrim vendimin tonë në kohë, vendim që do merret para mbledhjes së Këshillit Europian. Çështja e zhvillimeve në fushën e drejtësisë do të luajë një rol të rëndësishëm. Sistemi i drejtësisë është çelësi për një zhvillim ekonomik. Një shtet i së drejtës që funksionon është dhe baza për funksionimin e ekonomisë dhe biznesit", - deklaroi z. Lange.