Të rinjtë shqiptarë u bëjnë thirrje Francës, Gjermanisë e Holandës
"EU Policy Hub", një grup profesionistësh të rinj shqiptarë që monitorojnë dhe komunikojnë procesin e integrimit të Shqipërisë në BE u ka kërkuar shteteve anëtare si: Franca, Gjermania dhe Holanda të marrin në konsideratë rekomandimin e Komisionin Evropian për hapjen e negociatave të pranimit të Shqipërisë në BE. "EU Policy Hub" mbështet hapjen e bisedimeve të pranimit në BE dhe për këtë arsye u ka drejtuar një letër të hapur parlamenteve të Francës, Gjermanisë dhe Holandës, duke dhënë argumente se përse këto vende duhet të votojnë në favor të Shqipërisë gjatë Samitit të Këshillit të BE- së, që do të mbahet gjatë muajit qershor. Sipas "EU Policy Hub", dhënia e dritës së gjelbër në këtë moment kyç do të inkurajojë Shqipërinë që të punojë më shumë në miratimin, zbatimin e normave dhe standardeve të BE- së. "Si përfaqësues të të rinjve shqiptarë, ne besojmë fuqimisht që ky proces kërkues mbetet çelësi për mbështetjen e shpresës sonë në integrimin evropian".
Kryeministri Edi Rama, në një intervistë ekskluzive për "Anadolu Agency" ( AA) ka folur në lidhje me marrëdhëniet Shqipëri- Turqi, partneritetin strategjik midis dy vendeve, përpjekjet e përbashkëta për të eliminuar kërcënimin e strukturave të organizatës terroriste FETO në Shqipëri, për çështjet e brendshme dhe rrugëtimin europian të Shqipërisë, si dhe për zhvillimet në Kosovë dhe rajon. Duke folur mbi perspektivën europiane të Shqipërisë, kryeministri Rama theksoi se është një proces i afirmuar më shumë sesa me dekada në kuptimin, sipas tij, që prirja e Shqipërisë ka qenë një prirje natyrale drejt Europës. "Nga ana tjetër, nëse flasim konkretisht sot duhet të jemi të vetëdijshëm se nuk varet vetëm nga ne, se procesi i integrimit evropian është gjithmonë e më i ndërlikuar dhe njëkohësisht më i paparashikueshëm për shkak të vetë turbullirave të brendshme në vendet e Bashkimit Europian dhe të erërave kundër zgjerimit dhe kundër vetë Bashkimit Europian brenda disa vendeve të rëndësishme anëtare. Kështu që, përsa na takon, do të vazhdojmë punën tonë, pasi për ne procesi i integrimit europian nuk është një udhëtim për t'u spostuar nga Tirana në Bruksel, por është një udhëtim brenda vetes për t'u modernizuar dhe për të pasur një shtet funksional të standardeve evropiane", tha Rama për AA. Ndërkohë, mes Shqipërisë dhe Greqisë janë mbajtur disa raunde të bisedimeve për kufizimin e zonave detare dhe për çështjet e hapura mes dy vendeve, ndërsa Rama shprehet se është optimist që më në fund do t'u japin drejtim disa proceseve të bartura prej 70 vjetësh mes dy vendeve dhe njëkohësisht disa problemeve, që herë pas herë sipas tij i gjejnë në rrugën e vendit për shkaqe të brendshme në Shqipëri apo Greqi. "Ka pasur një proces të vështirë për të arritur deri në uljen në tryezë, por besoj që ulja në tryezë do të dalë me një zhvillim pozitiv në marrëdhëniet mes vendeve tona dhe në respekt të dinjitetit të njëri- tjetrit", u shpreh kryeministri i Shqipërisë në lidhje me bisedimet ShqipëriGreqi për çështjet e hapura mes dy vendeve.
"PRETENDIMET PËR KAMP REFUGJATËSH NË SHQIPËRI NUK JANË TË VËRTETA"
Duke folur për pretendimet e fundit për mundësinë e ngritjes së një kampi refugjatësh apo qendre për trajtimin e luftëtarëve të huaj, Rama tha se këto pretendime nuk reflektojnë të vërtetën dhe tha se Shqipëria ka ngritur një qendër, e cila është një qendër studimore, programesh, analizash, ndërveprimesh kundër ekstremizmit të dhunshëm dhe që është propozuar që të zgjerohet