ATP: 2000 pronarët që marrin 2 miliardë lekë
Agjencia çel procedurat për pranimin e aplikimeve, gjashtë dokumentet Përfituesit në Durrës, Tiranë, Korçë, Fier, Vlorë, Shkodër
Rreth 2 mijë pronarë, që u është zënë toka nga ndërtimet pa leje, do të marrin brenda pak ditësh kompensimin. Përfituesit janë në qarkun Elbasan, Berat, Durrës, Tiranë, Korçë, Fier, Vlorë, Shkodër, Gjirokastër dhe qarkun Dibër. Masa e kompensimit financiar për pronarët e pasurive të paluajtshme, që preken nga ndërtimet e legalizuara arrin në rreth 2 miliardë lekë.
APLIKIMI
Agjencia e Trajtimit të Pronave çel në datën 18 qershor procesin për pranimin e kërkesave për kompensimin e pronave që iu është zënë toka nga ndërtimet pa leje. "Agjencia e Trajtimit të Pronave njofton fillimin e procesit të pranimit të kërkesave për kompensimin e pronarëve të pasurive të paluajtshme, që preken nga ndërtimet informale, gjeneralitetet dhe të dhënat e të cilëve janë sipas VKM Nr. 291, datë 21.05.2018, VKM. Procesi i pranimit të kërkesave të subjekteve përfituesve do të fillojë në datën 18/ 06/ 2018 dhe nuk do të jetë i kushtëzuar dhe i kufizuar në kohë. ATP fton të gjithë subjektet e interesuara, të paraqiten pranë zyrave të saj, në adresën Rruga "Muhamet Gjollesha", Nr. 54, Tiranë, çdo ditë nga e hëna në të premte, për plotësimin e kërkesës për kompensim dhe dorëzimin e dokumenteve përkatëse"- thuhet në njo- ftimin e Agjencisë. Sipas ATP- së subjekti kërkues ( subjekti përfitues/ trashëgimtari ligjor/ përfaqësuesi me prokurë), në momentin e plotësimit të kërkesës për kompensim, duhet të paraqesë: kërkesën për kompensimin e pronës, dëshminë e trashëgimisë për të gjithë trashëgimtarët e ligjshëm të subjektit përfitues prokurën e posaçme, të nënshkruar nga të gjithë subjektet që përfitojnë kompensim, ku si tagër i nevojshëm të jetë edhe e drejta për të tërhequr vlerën financiare, në emër të tyre, vërtetimin origjinal të lëshuar nga një bankë e nivelit të dytë për hapjen e llogarisë bankare në emër dhe për llogari të subjektit përfitues, ku përcaktohet edhe numri i llogarisë bankare ( IBAN), ku do të transferohet vlera financiare e përfituar, fotokopjen e dokumentit të identifikimit dhe mandat pagesën, që vërteton pagimin e tarifës së shërbimit.