Hahn: Besoj se BE do të çelë negociatat për Maqedoninë
Emri i Maqedonisë, OSBE: Marrëveshja zgjidh problemet e rajonit Opozita greke mocion mosbesimi kundër Ciprasit
Ndërsa dje pritej që të miratohej emri i Maqedonisë në qeveri, ka reaguar kreu i opozitës së djathtë greke. Kyriakos Mitsotakis njoftoi dje se do të depozitonte një mocion mosbesimi kundër qeverisë së kryeministrit, Aleksis Cipras, për të bllokuar marrëveshjen e arritur mes Athinës dhe Shkupit për emrin e Maqedonisë. Duke u shprehur para parlamentit, Mitsotakis theksoi se ky mocion mosbesimi kundër qeverisë do të depozitohej pasdite, pas votimit të paketës së fundit të masave të kërkuara vendit nga kreditorët BE dhe FMN. "Ne do të shohim nëse ka 154 deputetë nga 300 për t'i thënë ' po' nënshkrimit të marrëveshjes së arritur mes Ciprasit dhe homologut maqedonas Zoran Zaev",theksoi Mitsotakis, shkruan ATSh. Nga kjo përgjigje, kreu i partisë konservatore "Demokracia e re" synon të testojë kohezionin qeveritar, i rrezikuar për kompromisin me Shkupin nga qëndrimi i aleatit sovranist të Ciprasit, Panos Kammenos. Ndërkaq, eurokomisioneri për Zgjerim dhe Politikë të Mirë Fqinjësore, Johannes Hahn në një intervistë për MIA- n shpreh bindjen se Këshilli i BE- së këtë muaj do t'i ndajë Maqedonisë datë për fillimin e negociatave për anëtarësim. Hahn në një intervistë për agjencinë ' Mia' flet për pritjet e tij nga Këshilli i BE- së, për atë nëse ekzistojnë rreziqe që vendi të mos fitojë datë për negociata, për përpjek-
jet e KE- së që t'i bindë ato vende anëtare, të cilat e kundërshtojnë këtë proces, por edhe për gjendjen e brendshme politike në vend pas publikimit të marrëveshjes me Greqinë, gjegjësisht për qëndrimet
e presidentit Gjorge Ivanov dhe VMRO- DPMNE- së opozitare. "Nëse e gjitha kjo tani është nënshkruar dhe dakorduar se do të ketë impakt në konkluzionet e Këshillit, pres që, pas rekomandimit për negociata, të fillojnë përgatitjet për fillimin e negociatave",- ka thënë eurokomisioneri Hahn. Nga ana tjetër ka reaguar edhe kryesuesi i OSBE- së, ministri i Jashtëm i Italisë, Enzo Moavero Milanesi, dhe Sekretari i Përgjithshëm i OSBE- së, Thomas Greminger, përshëndetën njoftimin mbi marrëveshjen për zgjidhjen e çështjes së emrit ndërmjet Athinës dhe Shkupit, të cilën e vlerësuan si një hap të madh drejt avancimit të stabilitetit rajonal. "Urime kryeministrave Alexis Tsipras dhe Zoran Zaevit për udhëheqjen dhe angazhimin e tyre ndaj këtij procesi të rëndësishëm për të dy vendet, për Europën Juglindore dhe për Europën në tërësi", tha Kryesuesi Moavero. "Kjo është një mundësi unike që duhet të shfrytëzohet dhe ndërtohet më tej". Sekretari i Përgjithshëm Greminger theksoi rëndësinë e dialogut dhe kompromisit në këtë proces. "Kjo marrëveshje historike tani mund të shpie në një zgjidhje afatgjatë për të mirën e të gjithë qytetarëve dhe rajonit në tërësi", ka thënë Moavero.