Publikoi fotot e të dyshuarve, zhduket gazetari serb që hetonte vrasjen e Ivanoviçit
Agjencia ' Beta': Gjetën orën e këputur dhe celularët e fikur
Stefan
Cvetkoviç, gazetari që po hetonte vrasjen e Oliver Ivanoviçit, zhduket në mënyrë të papritur. Makina e Cvetkoviç u gjet e hapur mbrëmjen e të martës në Bela Crkva të Serbisë. "Stacioni i policisë në Bela Crkva është njoftuar se në Rrugën e Beogradit në Bela Crkva ka gjetur një automjet të parkuar të markës ' Polo' në pronësi të babait të tij, në të cilin dera e shoferit ishte e hapur", njofton Ministria e Brendshme e Serbisë. Gazetari Cvektoviç gjatë majit kishte mbajtur një
MINISTRIA E BRENDSHME E SERBISË:
"Stacioni i policisë në Bela Crkva është njoftuar se në Rrugën e Beogradit në Bela Crkva ka gjetur një automjet të parkuar të markës ' Polo' në pronësi të babait të tij, në të cilin dera e shoferit ishte e hapur",- njofton Ministria e Brendshme e Serbisë.
konferencë shtypi në të cilën kishte thënë se ai ishte mbajtur gjashtë orë në pikën kufitare në Jarinë dhe se pas kësaj, nga Policia e Kosovës kishte marrë dokumentin me të cilin konfirmohej se ai ishte me urdhër të prokurorit special që
udhëheq hetimet për vrasjen e politikanit Oliver Ivanoviçit. Gazetari në atë kohë kishte thënë se në Kosovë kishte shkuar me punë gazetarie sepse, siç kishte deklaruar ai, po punonte në hulumtimin e vrasjes së Oliver Ivanoviçit. Në muajin shkurt në Beograd ai kishte mbajtur një konferencë për shtyp ku kishte shfaqur fotografitë e njerëzve, të cilët, siç thoshte ai, dyshohet se ishin të përfshirë në vrasjen e liderit të Iniciativës Qytetare Serbe SDP. Policia njoftoi se kishte nisur kërkimet dhe se prokuroria ishte informuar për incidentin. Siç tregon ' Beta', dëshmitarët okularë kanë thënë se ora e dorës e Cvetkoviç u gjet e këputur. Agjencia ' Beta' u përpoq të komunikonte me Cvetkoviç, por të gjithë telefonat celularë ishin shkëputur. Shoqata e Pavarur e Gazetarëve Serbë dhe Shoqata e Pavarur e Gazetarëve të Vojvodinës tha se policia duhet të ndërmarrë kërkime më intensive për zhdukjen e gazetarit.