Memo e qeverisë: Shqipëria e prekur nga terrorizmi, policia e prokuroria dështuan
"Numri i të dënuarve për krimin e organizuar mbetet i ulët"
shqiptare kri tikon prokurorinë se është ende e ndikuar nga ndërhyrjet politike, duke e bërë ende të pabesueshme për publikun. Edhe në luftën kundër korrupsionit dhe krimit të organizuar, ekzekutivi shprehet se duhet të ketë më shumë bashkëpunim me institucionet e tjera, pasi rezultatet e deritanishme janë të dështuara. Në një Memo të publikuar nga "Ora News" theksohet se fenomeni i terrorizmit ka nevojë për një përqasje të përbashkët nga të gjitha institucionet për parandalimin. Qeveria shqiptare kërkon nga Prokuroria e Përgjithshme të intensifikojë luftën kundër krimit të organizuar dhe korrupsionit si dhe të garantojë pavarësinë së institucionit ligjzbatues. "Ekzistojnë raporte të vazhdueshme për ndërhyrjen politike në çështjet e hetimit dhe të gjykatave. Kohëzgjatja e përgjithshme e procedimeve është shkak shqetësimi dhe lidhet kryesisht me mungesën e kapacitetit dhe papërshtatshmërisë së dispozitave përkatëse të Kodit të Proce- durave. Me qëllim përmbushjen e prioritetit kyç të reformës në sistemin e drejtësisë, gjatë vitit të ardhshëm duhet të avancohet për implementimin e dispozitave të reja kushtetuese dhe legjislacionit të ri të lidhur me to", thuhet ne Memo. Qeveria thekson se prokuroria duhet të forcojë bashkëpunimin me institucionet e tjera ligjzbatuese në ndjekjen penale dhe ndëshkimin e korrupsionit me zero tolerancë. Gjithashtu, në Memo shfaqet hapur pakënaqësia me punën e prokurorisë në goditjen e krimit ekonomik. "Hetimet financiare nuk kryhen sistematikisht dhe numri i rasteve të konfiskimit të pasurisë në rastet e korrupsion- it është i ulët. Kjo, pasi numri i aseteve të konfiskuara gjatë fazës fillestare është i ulët, duke sjellë për pasojë një numër të ulët asetesh të konfiskuara në kohën e dënimit përfundimtar", thuhet në dokument. "Policia dhe prokuroria kanë dështuar në zbulimin e grupeve të organizuara që fshihen pas kultivimit dhe trafikimit të lëndëve narkotike. Është e nevojshme të forcohet bashkëpunimi midis policisë dhe prokurorisë, me qëllim zbulimin efektiv të rrjeteve kriminale. Numri i të dënuarve për çështje të krimit të organizuar mbetet i ulët. Shqipëria është prekur nga fenomeni i terrorizmit", thuhet në Memo.