Vlahutin e Williams: Përfshirja e grave në sektorin privat ul varfërinë

BE e PNUD mbështesin me fonde çerdhe për fëmijët e gratë rome në Berat

Brian

Williams, Koordi nator i Përhershëm i OKB- së në Shqipëri dhe Përfaqësues i Përhershëm i UNDP tha dje, se 40 sipërmarrje në të gjithë vendin janë mbështetur nga Bashkimi Evropian, UNDP dhe qeveria. Gjatë një aktiviteti në Berat, ku u përurua çerdhja e re nr. 7 e rikonstruktuar nga këto fonde dhe në kuadër të projektit "Fuqizimi Ekonomik dhe Social i romëve dhe egjiptianëve, shtysë për përfshirjen sociale" të PNUD, Brian Williams u shpreh se kjo çerdhe do të mirëpresë 60 fëmijë nga të cilët 20 fëmijë të komunitetit rom e egjiptian. Në ceremoninë e përurimit ishin të pranishëm Ogerta Manastirliu, ministre e Shëndetësisë dhe e Mbrojtjes Sociale, Ditmir Bushati, ministër për Europën dhe Punët e Jashtme, Romana Vlahutin, ambasadore e Delegacionit të BE- së në Shqipëri, deputetë, përfaqësues të PNUD- it, përfaqësues të institucioneve vendore, prindër të fëmijëve, etj. "Krijimi i mundësive për përfshirjen e fëmijëve romë dhe egjiptianë sa më herët në ciklin e edukimit është mënyra më e mirë për inte- grimin e komunitetit rom dhe egjiptian", - tha Manastirliu në fjalën e hapjes. Ndërkohë, po në Berat BE e PNUD kanë mbështetur me grante edhe gra të komunitetit rom. Emanuela është një prej tyre. Ajo ka hapur një rrobaqepësi në tregun e qytetit. Gjatë vizitës në atelienë e Emanuelës, ambasadorja e BE- së, Romana Vlahutin tha: "Është privilegj të ndihmosh një grua për jetesën e familjes, dhe të ndihmojë në rritjen e fëmijës. Kudo që shkoj në Shqipëri takoj njerëz që punojnë fort për familjen e tyre dhe përpiqemi si të gje- jmë zgjidhjen më praktike për t'i ndihmuar në këtë drejtim. Për mua gratë shqiptare janë një forcë shqiptare dhe kam kënaqësi që ndihmoj gratë e tjera'. Ndërsa Koordinatori i Përhershëm i OKB- së në Shqipëri dhe Përfaqësues i Përhershëm i PNUD, Brian William tha se "e rëndësishme është që gratë të përfshihen sa më shumë në sektorin privat, sepse ul varfërinë dhe nxjerr nga sektori informal ku mbajnë vetëm frymën gjallë dhe i ndihmon për të mbajtur familjet e tyre me këto biznese të vogla".