Vrasja në Milot, vëllai i autores në polici: Violeta do divorcohej nga burri, e keqtrajtonte
"Ditën që ndodhi ngjarja na tha se do shkonte të merrte rrobat te banesa e të shoqit" "Motra iku nga shtëpia e të shoqit dhe erdhi te ne. Më ka treguar shenjat e dhunës në trup"
Violeta kishte vendo sur të divorcohej nga bashkëshorti dhe ishte nisur për te shtëpia e saj në Rrëshen për të marrë vajzën dhe rrobat. Me vete mori edhe kunatën, gruan time, që ta ndihmonte me rrobat. Di që kanë pasur konflikte të vazhdueshme dhe për këtë, motra iku nga shtëpia. Ajo më ka treguar edhe shenjat e dhunës në trup". Kështu ka deklaruar në polici vëllai i 35- vjeçares, e cila mëngjesin e së dielës ekzekutoi me katër plumba pistolete bashkëshortin, Kujtim Donaj. Një ditë pas ngjarjes së rëndë të ndodhur në tregun e Milotit, burime nga policia e Kurbinit bënë me dije se dyshohet që krimi brenda familjes të ketë ndodhur për shkak të marrëdhënieve të tensionuara të çiftit. Mësohet se gjatë marrjes në pyetje nga hetuesit e çështjes, autorja e ngjarjes së rëndë, Violeta Donaj është shprehur se babai i dy fëmijëve të saj konsumonte alkool herë pas here, ishte i dhunshëm dhe shpenzonte para në bixhoz. Po të njëjtat burime pohuan se 35- vjeçarja ka shprehur pendesë për krimin, ndërsa ndodhet në gjendje shoku. Për këtë shkak ajo do të merret sërish në pyetje nga hetuesit. Edhe familjarët e autores së krimit janë shprehur se Kujtim Donaj luante bixhoz dhe e dhunonte fizikisht bashkëshorten e tij. Madje, dhuna e vazhdueshme fizike u bë shkak që Violeta të merrte vendimin për t'u divorcuar nga i shoqi. Ndërkaq, në familjen e Kujtim Donajt në Mirditë janë hapur dyert e mortit. 42- vjeçari, i cili ishte tregtar në tregun e Milotit u përcoll pasditen e djeshme në banesën e fundit. Të afërmit e viktimës kërkojnë të dinë se cili është personi që i dha pistoletën 35- vjeçares.
DËSHMIA E VËLLAIT TË VRASËSES
Një ditë para vrasjes së Kujtim Donajt, janë zbardhur detaje të reja në lidhje me ngjarjen. Mësohet se viktima kishte lënë shuma të konsiderueshme në bixhoz, ndërsa e dhunonte sistematikisht autoren e krimit, e cila disa ditë më parë është larguar së bashku me vajzën për tek banesa e vëllait të saj. Ky i fundit ka thënë në polici se 35vjeçarja kishte disa ditë që ishte larguar nga shtëpia bashkëshortore, ndërsa mëngjesin e së dielës, kur edhe ndërmori aktin e rëndë, ajo u ka thënë familjarëve se do shkonte në shtëpinë e saj për të marrë rrobat e saj dhe të vajzës. Nëna e dy fëmijëve, një vajze 14- veçare dhe një djali 7vjeçar e shoqëruar edhe nga kunata ( nusja e vëllait) ka marrë rrugën nga shtëpia e prindërve për në shtëpinë e saj, por askush nuk di të thotë me saktësi pse ndaloi në treg, aty ku Kujtim Donaj ka qenë duke hapur mallin në tezgë. Vëllai i saj distancohet nga akti i rëndë, ndërsa shprehet se nuk e ka idenë se ku mund ta ketë gjetur armën e krimit Violeta. Ajo që di të thotë me siguri është fakti se e motra kishte shenja dhune në trup dhe konflikte të vazhdueshme me bashkëshortin e saj, që e kishin detyruar të ikte nga shtëpia. "Ne s'kemi pasur dijeni në lidhje me ngjarjen. Di që kanë pasur konflikte të vazhdueshme dhe për këtë motra iku nga shtëpia. Violeta më ka treguar edhe shenjat e dhunës në trup, ndërsa nuk dija asgjë për veprimet që do të kryente. Dje ( të dielën) në mëngjes na tha që do shkonte në shtëpi të mer- rte rrobat. Shkoi bashkë me bashkëshorten time", - ka thënë vëllai i 35- vjeçares së arrestuar për vrasje. Mësohet se 35- vjeçarja është shoqëruar nga kunata deri tek tregu, e aty i ka thënë se du- het të mbaronte një punë. Ajo është afruar tek Kujtimi, kanë debatuar e më pas ka zbrazur armën drejt tij, duke e lënë të vdekur në vend. Violeta Donaj akuzohet për veprat penale: "Armëmbajtjes Në gjendje të rëndë psikologjike, Violeta Donaj ka deklaruar gjatë shoqërimit në polici se shkak për aktin ekstrem ishte bërë dhuna sistematike nga i shoqi, e cila vinte si pasojë e xhelozisë që kishte ndaj saj Kujtimi. Po ashtu, bazuar në deklaratat e gruas, bashkëshorti luante në lojëra fati, gjë që kishte ndikuar në krijimin e vështirësive financiare.
pa leje" dhe "Vrasje me paramendim". Burime pranë policisë së Kurbinit pohuan se 35vjeçarja nuk kishte depozituar asnjëherë ndonjë denoncim për dhunë në familje, çka rëndon pozitat e saj.