Dialogu me Serbinë, Kosova i prezanton BE- së arritjet
Mediat serbe: Delegacioni kosovar, në Bruksel pa praninë e Beogradit Brukseli ende s'ka caktuar datën për vazhdim
Zyrtarët në Bruksel kanë thënë për Radi on Evropa e Lirë se ende nuk ka një datë të caktuar se kur do të mbahet takimi i ardhshëm ndërmjet delegacioneve të Kosovës dhe Serbisë. Takimi i radhës, pritet që të jetë në nivelin teknik, për t'i paraprirë takimit në nivelin politik. Maja Koçijançiç, zëdhënëse e Përfaqësueses së Lartë të Bashkimit Evropian, Federica Mogherini, tha se është duke u punuar për caktimin e një date. "Unë nuk mund ta përmendi ndonjë datë në këtë moment. Në momentin kur ta kemi datën dhe të gjithë pajtohen, unë do ta bëj publike datën si dhe agjendën. Gjithmonë do ta bëj një gjë të tillë, por për momentin nuk mundem",tha Koçijançiç. Përderisa nuk dihet data e takimit të radhës, delegacioni i Kosovës ka udhëtuar për në Bruksel. Koordinatori i Qeverisë së Kosovës për dialogun me Serbinë, Avni Arifi, tha për Radion Evropa e Lirë se delegacioni kosovar do të bëjë prezantimin e të arriturave në procesin e dialogut me Serbinë, para përfaqësuesve të vendeve anëtare të Bashkimit Evropian. Ai tha se delegacioni i Kosovës do t'i njoftojë zyrtarët e BE- së për të arriturat, por edhe për ngecjet që pala serbe është duke i shkaktuar procesit. "Ne jemi të përgatitur, do të flasim për angazhimet tona, por njëkohësisht do të flasim edhe për bllokadat që kemi. Ne nuk kemi njohuri se a është pala serbe në atë takim, por për hir të in-
formimit të opinionit, ne nuk kemi takim me palën serbe", tha Arifi. Ai tha se pala nga Kosova i ka parashtruar kërkesat për takimin
dhe temat që pritet të diskutohen, por sipas tij, ende nuk ka ndonjë përgjigje. "Dy kërkesa i kemi bërë edhe në prill edhe në maj, për të ri- filluar bisedimet dhe në rend të parë duhet të jetë energjia. Nuk kemi marrë përgjigje ende. Ne kemi pasur një ofertë për të dëgjuar prezantimin se deri ku kanë arritur rezultatet në hartimin e statutit, nuk kemi treguar interesim, sepse ka prioritete më të mëdha. Për ne nuk ka marrëveshja më pak të rëndësishme dhe më shumë të rëndësishme, të gjitha marrëveshjet janë me rëndësi dhe jemi serioz në këtë as- pekt",- tha Arifi. Delegacioni i Prishtinës do të qëndrojë në Bruksel për një "shkëmbim të rregullt të pikëpamjeve brenda dialogut" me Beogradin, ka konfirmuar Shërbimi Evropian i Punëve të Jashtme. Kryenegociatori i Kosovës në dialogun teknik me Serbinë, Avni Arifi, ka njoftuar se delegacioni i Prishtinës do të mbërrijë sot në Bruksel dhe do të prezantojë aktivitetet dhe arritjet e institucioneve të Kosovës për zbatimin e marrëveshjes së Brukselit. Ndërsa gazeta serbe, Tanjug, ka mësuar nga burimet diplomatike evropiane se është një takim dypalësh i delegacionit të Prishtinës dhe ndërmjetësuesve të Bashkimit Evropian, pa pjesëmarrje të Beogradit. Në Bruksel ekziston shpresa që në dy javët e ardhshme, deri në fund të qershorit të mbahet një raund i bisedimeve teknike, por edhe bisedime të nivelit të lartë mes presidentit Hashim Thaçi dhe Aleksandër Vuçiç. Avni Arifi ka bërë të ditur se do të kërkojë nga ndërmjetësuesit evropianë që të flasin për energjinë e jo të përqendrohen në formimin e komunave serbe. BE- ja për një kohë të gjatë është deklaruar se subjekt i bisedimeve janë marrëveshjet e pazbatuara, ndër to edhe formimi i komunave serbe.