Tatzgern për Shqipërinë: Nëse ngrihen qendra për azil, duhet forcuar policia
Drejtor i Zyrës Kundër Trafikimit në Austri: Do çojmë personel në kufirin greko- shqiptar "Ka grupe trafikantësh me 20- 60 kriminelë"
Mediet e huaja e sido mos ato gjermane po i mëshojnë mundësisë së ngritjes së qendrave të refugjatëve në Shqipëri e vende të tjera të Ballkanit. Në një intervistë për "Deutche Welle"- n, Gerald Tatzgern, drejtor i Zyrës Kundër Trafikimit të Njerëzve në Zyrën Federale të Kriminalistikës në Austri deklaroi dje se Vjena do ta mbështesë konkretisht Shqipërinë. Tatzgern pohon se një numër i madh njerëzish po marrin rrugën drejt Austrisë e Gjermanisë. Bëhet fjalë për 50- 60 mijë persona, ndërsa mbi 17 mijë vetë të tjerë që ndodhen në ishujt grekë kanë për pak kohë të drejtën të lëvizin të lirë në të gjithë Greqinë.
Vala e refugjatëve drejt Europës nuk ka të ndalur. Së fundmi, ju e keni cilësuar gjendjen si "shumë të rrezikshme". Çfarë e bën atë kaq të rrezikshme?
Gjendja është gjithmonë e rrezikshme, kur ne dallojmë se si grupimet e ndryshme të trafikantëve i kushtohen gjithnjë e më shumë trafikimit, sepse shumë njerëz nga këto rajone marrin rrugën në drejtim të Austrisë dhe Gjermanisë. Në bëjmë fjalë këtu për një masë prej 50.000- 60.000 persona, më shumë se 17.000 vetë të tjerë që ndodhen në ishujt grekë, marrin për pak kohë të drejtën të lëvizin të lirë në të gjithë Greqinë.
Austria duket se e ka një plan, mediat flasin shumë për kampet e refugjatëve që do të ngrihen në Shqipëri. Asnjëra palë nuk i ka hedhur poshtë këto plane, sa konkret është ky plan?
Ne jemi të gatshëm që jashtë Bashkimit Europian të ngremë qendra të tilla të Bashkimit Europian, ku të verifikohet, nëse ekziston apo jo një e drejtë për të vazhduar udhëtimin drejt Europës. Pra, ne duam të dërgojmë sinjalin e qartë se nuk duam t'ua lëmë trafikantëve në dorë se kush ia del të hyjë në Europë dhe kush jo.
Shqipëria përmendet si një nga këto vende. A mundet ky vend ta përballojë një barrë të tillë?
Nuk mund t'i përgjigjem kësaj nga këndvështrimi i policisë dhe kriminalistikës, sepse ky është proces politik. Por mund të them nga këndvështrimi i policisë, se nëse do të ngrihen këto qendra, pavarësisht se ku, atëherë ne duhet t'i mbështesim shumë policitë e këtyre vendeve, me qëllim që të mos hapen fusha të reja kriminaliteti, ku vajzat e gratë të shfrytëzohen apo ku trafikantët të zbulojnë
fusha të reja veprimi. A ka plane për këtë? Ne kemi aktualisht një plan që nga sektori ynë të dërgohen nëpunës ( Zyra Federale e Austrisë për Kriminalistikën shën. red.) në Shqipëri. Ne do të zhvillojmë aksione të përbashkëta në kufirin greko- shqiptar, do të shohim për mundësitë e mbështetjes me asistencë teknike, këtë do ta komunikojmë më tej në Bashkimin Europian që kolegët tanë të policisë në Ballkan t'i
forcojmë si duhet. Mbështetja jonë do të jetë edhe me personel.
Nëse ngrihen qendra të tilla a nuk përbën kjo rrezik edhe për sigurinë e këtyre vendeve, BE ka një problem më pak, këto vende një problem më shumë?
E kemi parë disa herë se në mesin e emigrantëve gjenden edhe simpatizantë të ISIS- it. Ne punojmë me të gjitha autoritetet në Ballkan në mënyrë që të pen- Partia më e madhe opozitare në Greqi, Demokracia e Re, kërkon që teksti i marrëveshjes së pritshme midis Athinës dhe Tiranës t'i jepet parlamentit para se të nënshkruhet. Shefi i Departamentit të Jashtëm të kësaj partie, Jorgos Koumoutsakos, ka kërkuar interpelancë me ministrin e Jashtëm, Nikos Kotzias. Koumoutskos komenton se nga pala shqiptare nuk përjashtohet që negociatat të finalizohen deri në samitin e radhës të BE- së, më 28- 29 qershor.
gojmë që të krijohet një problem i tillë sigurie në të gjithë rajonin. Aktualisht mund të llogarisim se luftëtarë të caktuar kërkojnë të zbarkojnë këtu dhe përdorin për këtë trafikantët për t'i çuar në vende të tjera. Por për momentin nuk ka të dhëna se ndonjë shtet i caktuar në Ballkan po rrezikohet.
Nëse qendrat e refugjatëve zhvendosen në Shqipëri apo Ballkan, a nuk do të krijojë kjo hapësira të
reja për grupet e trafikimit? Si e shihni gjendjen aktualisht në Ballkan?
E vështirë të japësh një përgjigje, sepse kur shumë njerëz i kushtohen kësaj pune, trafikimit, atëherë krijohen grupime gjithnjë e më të vogla. Pra nuk është se kemi një "kapo" që e ka në dorë të gjithë trafikimin në Ballkan. Por megjithatë, kemi të dhëna se në disa vende, Serbi, Maqedoni dhe Shqipëri ka njerëz aktivë që kanë rol drejtues në këto
grupe trafikimi. Ka grupe trafikantësh me 20 vetë, por edhe deri në 60 kriminelë.
Grupime që janë aktivë dhe që mund të forcohen në Shqipëri, nëse vijnë qendrat e reja...
Nuk e besoj, sepse gjithçka do të ishte e kufizuar në një vend. Kemi pasur një përvojë në Austri, ku në qendrën më të madhe të azilit në Austri zhvilluam masivisht hetime dhe arritëm që të identifikonim shumë trafikantë dhe t'i arrestonim.