Zbardhet draftrekomandimi i Këshillit të BE: Hapim negociatat me Shqipërinë

"Vetingu të japë rezultate të prekshme para konferencës ndërqeveritare" "Dialog konstruktiv qeveri- opozitë për integrimin"

Bashkimi

Europian pritet të hapë negociatat e anëtarësimit me Shqipërinë, por pa një datë. Në draftrekomandimin e Këshillit të BE- së, publikuar nga Vizion Plus, thuhet se ka nevojë kritike që Shqipëria të vijojë progresin në reformën në drejtësi. Ky draft tashmë është duke u shqyrtuar nga të gjithë vendet anëtare, përpara takimit të 28- 29 qershorit. Në këtë dokument, propozohet nisja e bisedimeve, ndërsa nuk jepet koha për uljen në tryezë. "Këshilli vendos për të hapur negociatat e pranimit me Shqipërinë. Me qëllim mbajtjen e Konferencës së parë Ndërqeveritare, Këshilli nënvizon nevojën kritike që Shqipëria të konsolidojë më tej progresin e bërë në reformën gjyqësore në veçanti përmes vetingut dhe të japë rezultate të tjera të prekshme në luftën kundër korrupsionit në të gjitha nivelet dhe në luftën kundër krimit të organizuar, në veçanti për kultivimin dhe trafikimin e drogës. Këshilli i bën thirrje Komisionit që të vëzhgojë nga afër përpjekjet e reformave së lartpërmendur nga Shqipëria dhe do të vlerësojë progresin në bazë të një raporti të Komisionit përpara Konferencës së parë Ndërqeveritare",- thuhet në draft rekomandimin e Këshillit të Bashkimit Evropian. Ndërkaq vlerësohen arritjet e Shqipërisë, veçanërisht në 5 prioritetet e vendosura më parë nga Komisioni. "Këshilli përshëndet progresin e qëndrueshëm të Shqipërisë në ndjekjen e reformave që lidhen me pesë prioritetet kyçe. Ristrukturimi institucional i gjyqësorit është në vazhdim, si një gur themeli i një reforme gjithëpërfshirëse të drejtësisë. Procesi i rivlerësimit për gjyqtarët dhe prokurorët ka filluar të japë rezultatet e para të prekshme, duke përfshirë edhe anëtarët e lartë të gjyqësorit, nën mbikëqyrjen e Operacionit Ndërkombëtar të Monitorimit. Këshilli inkurajon Shqipërinë që të vazhdojë bashkëpunimin e saj të mirë me Operacionin Ndërkombëtar të Monitorimit. Këshilli inkurajon Shqipërinë që të zhvillojë progresin e konsiderueshëm deri tani dhe të ndjekë intensivisht reformën e drejtësisë, që syn-

on rritjen e pavarësisë, llogaridhënies, profesionalizmit dhe efikasitetit të sistemit gjyqësor, sidomos nëpërmjet avancimit të mëtejshëm të procesit të verifikimit, i cili është vendimtar",- vijon më tej, rekomandimi. Po kështu Këshilli thekson se dialogu i qëndrueshëm dhe konstruktiv mes qeverisë dhe opozitës për reformat e kërkuara nga BE mbetet kyç për të avancuar me axhendën e refor-

mave në përfitim të qytetarëve dhe afrimit të vendit drejt Bashkimit Evropian. Në një nga pikat e tij ky rekomandim përmban sugjerimin se Këshilli mirëpret rolin konstruktiv të Shqipërisë në bashkëpunimin rajonal. Këshilli mirëpret intensifikimin e dialogut me vendet fqinje për të adresuar çështjet e rëndësishme dypalëshe si dhe marrëdhëniet e fqinjësisë së mire, të cilat mbeten Në draft propozimin e formuluar para pak ditësh thuhet se Këshilli i kushton një rëndësi të veçantë çështjes së azilkërkuesve ku i kërkon Komisionit Europian të sigurohet që Shqipëria të vazhdojë angazhimin në uljen e numri të kërkesave për azil. Kërkohet zgjidhja e mosmarrëveshjeve dypalëshe dhe shmangia e deklaratave që ndikojnë negativisht në marrëdhëniet fqinjësore.

esenciale. Por dokumenti mbetet ende në diskutim nga të gjithë vendet dhe duket se oponenca më e fortë po bëhet nga Franca dhe Presidenti Macron, i cili ende vijon të jetë skeptik për pranimin e vendeve të reja në Bashkimin Europian. Gjithsesi, pritet që më datë 26 drafti të diskutohet mes ministrave të Jashtëm, të cilët më pas do t'ia adresojnë atë krerëve të shteteve të Unionit.