PD: 4 deputetët e Ramës përfituan tendera prej 78 milionë eurosh
Demokratët akuzojnë për aferë korruptive, Beqajn, Ndreun, Qefalian dhe Abazin "Rama i babëzitur, po vjedh pasuritë publike"
Partia Demokratike de noncoi dje përfshirjen e 4 deputetëve të PS- së në afera korruptive, duke përfituar tendara prej 78 milionë eurosh. Drejtuesja e Departamentit Antikorrupsion në PD, Lealba Pelinku deklaroi se ish- ministri Ilir Beqaj dhe 3 deputetë të PSsë kanë përfituar tendera me kompanitë e tyre prej 78 milionë eurosh. "Që kur ka ardhur në pushtet, Edi Rama e ka përqendruar shpërndarjen e taksave të rritura të shqiptarëve në pak duar, që janë ose miq të tij, ose klientë, ose deputetë, me të cilët blen dhe mban pushtetin. Janë të paktën 4 deputetë të tij që përfitojnë para publike nëpërmjet kompanive të tyre, në shumicën dërrmuese të rasteve pa garë. Ilir Beqaj është njeriu më i afërt i Edi Ramës, i cili edhe pse nuk është më ministër, vazhdon të marrë me qindra miliona lekë nga taksat e shqiptarëve. Rasti më i fundit është ai i shpalljes fituese të kompanisë "Intech+", e zotëruar de facto prej Beqajt. Në një tender pa asnjë konkurrent, shoqëria e ish- ministrit që rrënoi shëndetësinë, u shpall fituese për 1 mld e 362 mln lekë ose 1,1 mln euro, duke pasur ofertë gati të njëjtë me fondin limit, pa i kursyer buxhetit gati asnjë qindarkë", tha zyrtarja e PD. Sipas Pelinkut, 1.1 milionë euro të fituara së fundmi nga taksat e rritura të shqiptarëve i shtohen pasurisë së Ilir Beqjas, i cili që kur Rama është bërë kryeministër, ka përfituar tendera me vlerë 29 milionë euro. PD deklaron se Ilir Beqja nuk është i vetëm në listën e deputetëve të Edi Ramës që pasurohen me paratë e shqiptarëve. "Prej kohës kur Edi Rama është kryeministër, Sadri Abazi ka fituar tendera me vlerë 34 milionë euro nga paratë publike. Media raportoi pak kohë më parë se në shumë prej tenderave, kompania ka paraqitur dokumentacion fals, por nga prokuroria, nën kontrollin e Edi Ramës, nuk ka asnjë reagim", u shpreh Pelinku. Ajo publikoi edhe emrat e 2 deputetëve e tjerë të Partisë Socialiste, Xhemal Qefalia dhe Pjerin Ndreu, që Deputeti i PS- së Pjerin Ndreu iu kundërpërgjigj PD- së teksa tha se ai nuk ka as firma dhe as ka përfituar tendera dhe para publike. Ai i cilësoi Berishën dhe Bashën gënjeshtarë, duke shtuar se ka familje më vete dhe jo me vëllezërit e tij. “S’kam asnjë biznes e asnjë llogari askund përveç rrogës së shtetit”, - tha Ndreu.