Diskutohet roli i BSH në parandalimin e pastrimit të parave
Sejko pret ambasadoren franceze
Guvernatori
i Bankës së Shqipërisë, Gent Sejko priti sot në një takim me ambasadoren e Republikës Franceze në Tiranë, Christina Vasak dhe shefin e Sektorit Ekonomik Rajonal rezident në Sofje, Jean- Marie Demange. Guvernatori i njohu bashkëbiseduesit me zhvillimet ekonomike në vend, ku theksoi se rritja ekonomike është në trajektore pozitive zhvillimi dhe balancat kryesore ekonomike pritet të forcohen në vitet e ardhshme. Lidhur me sistemin financiar, guvernatori Sejko u shpreh se ai karakterizohet nga nivele të kënaqshme kapitalizimi dhe likuiditeti. Guvernatori u ndal në panoramën e sektorit bankar, ku veçoi dy elemente kyçe, rritjen e kreditimit dhe përmirësimin e treguesit të kredive me probleme. Ai u shpreh se nxitja e mëtejshme e kredisë për ekonominë dhe zbatimi i planit për trajtimin e kredive me probleme mbeten në fokusin e BSH. Guvernatori Sejko shtoi se sistemi bankar, si subjekt i ligjit të pastrimit të parave, ndodhet në proces zhvillimi dhe konsolidimi. "Parandalimi i pastrimit të parave ka qenë gjithashtu ob- jekt monitorimi e vlerësimi, jo vetëm nga autoritetet mbikëqyrëse brenda vendit, por edhe nga institucionet ndërkombëtare të specializuara, të cilat kanë dhënë vlerësime mjaft pozitive, ndër të cilat mund të përmenden vlerësimet e Komitetit Moneyval", - tha Sejko. Ambasadorja Franceze, Christina Vasak dhe Jean- Marie Demange falënderuan guvernatorin Sejko për takimin dhe shprehën vlerësimet e tyre për kontributin e vazhdueshëm që BSH jep në ruajtjen e stabilitetit makroekonomik të vendit.