Kompensimi i pronave, qeveria miraton fondin 732 milionë lekë

Tokat e zënë nga ndërtimet pa leje

Miratohet

fondi për ko mpensimin e pronarëve, që u është zënë toka nga ndërtimet pa leje. Fondi arrin në 732 milionë për sipërfaqe prej 43 965 m2. Përfituesit janë në Tiranë, Kamëz, Vorë, Elbasan, Durrës, fshatra turistikë dhe Shkodër. Vendimi është marrë në mbledhjen e djeshme të Këshillit të Ministrave dhe në pikën 2 të tij thuhet se "masa e kompensimit është 43 965,31 m ² dhe vlera e përgjithshme e kompensimit financiar është 731 847 186,22 lekë". Qeveria urdhëron Zyrat Vendore të Regjistrimit të Pasurive të Paluajtshme, përkatësisht në Tiranë, Elbasan, Durrës dhe Shkodër të kryejnë ndryshimet përkatëse për këto pasuri në regjistrat e pasurive të paluajtshme. Ndërkohë që ngarkohen Ministria e Drejtësisë, Agjencia e Legalizimit, Urbanizimit dhe Integrimit të Zonave/ Ndërtimeve Informale, Agjencia e Trajtimit të Pronës, Zyra Qendrore e Regjistrimit të Pasurive të Paluajtshme dhe Zyrat Vendore të Regjistrimit Të Pa- surive të Paluajtshme për zbatimin e këtij vendimi. Për të përfituar kompensimin për tokën e zënë nga ndërtimet pa leje duhet të paraqesin në ATP kërkesë për kompensim në vlerë për pronarët e pasurive të paluajtshme, pronë private, që preken nga ndërtimet informale ( ALUIZNI). Pronari plotëson një kërkesë për kompensimin në vlerë sipas formatit- tip, që vihet në dis- pozicion nga ATP- ja. I interesuari duhet të paraqesë dëshminë e trashëgimisë për të gjithë trashëgimtarët e ligjshëm të subjektit përfitues, sipas radhës së trashëgimtarëve, në përputhje me përcaktimet e Kodit Civil. Për dëshmitë e trashëgimive të lëshuara nga gjykata për testamentin e bërë me akt noterial të sillet certifikatë familjare e personit, për të cilin është lëshuar kjo dësh- mi trashëgimie. Një tjetër dokument është vërtetimi i lëshuar nga banka e nivelit të dytë për hapjen e llogarisë bankare në emër dhe për llogari të subjektit përfitues, ku përcaktohet edhe numri i llogarisë bankare ku do të transferohet vlera financiare e përfituar. ATP- ja kërkon fotokopjen e dokumentit të identifikimit dhe certifikatën familjare të kërkuesit dhe mandatpagesën, që vërteton pagimin e tarifës së shërbimit.

BIZNESI

Shkalla e tatimit mbi fitimin për bizneset është ulur, pasi është ngritur baza e tatueshme. Kështu, tatim- fitimi do të jetë 5% për tatimpaguesit me të ardhura deri në 14 000 000 lekë në vit dhe 15% për tatimpaguesit me të ardhura mbi 14 000 000 lekë në vit. Për personat juridikë, të cilët zhvillojnë veprimtari ekonomike sipas ligjit nr. 38/ 2012.