Basha: Balla hyri garant, 3.4 mln euro të bandës së rrezikshme
Hapja e negociatave, kreu i PD- së paralajmëron përgjigje negative nga Brukseli "Paratë e krimit do përdoren për kullat"
Kreu i opozitës, Lulzim Basha akuzoi dje kreun e deputetëve socialistë, Taulant Balla për pastrim parash. Pak ditë pasi paralajmëroi nga seanca plenare se miliona euro po hynin kontrabandë në Shqipëri, Lulzim Basha deklaroi para mediave se shuma e sekuestruar në dy automjetet "Toyota Yaris" në portin e Durrësit i përket një prej bandave që vepron në zonën e Elbasanit dhe se garantuesi i parave është kreu i grupit parlamentar të socialistëve, Taulant Balla. Sipas tij, Balla u kishte siguruar hyrjen pa problem të kësaj shume në Shqipëri. "Paratë janë të një prej bandave më të rrezikshme të trafikut të drogës aktive kryesisht në Elbasan, por gjithë Shqipërinë. E dyta, Taulant Balla kishte marrëveshje për të garantuar hyrjen e këtyre parave pa problem në Shqipëri. 1.5 milionë ka qenë pakti dhe marrëveshja është garantuar nga Taulant Balla. Ky ka hyrë garant", theksoi z. Basha. Meritën për finalizimin me sukses të këtij operacioni ia njohu njërit prej vendeve partnere, që sipas tij është skeptik për hapjen e negociatave me Shqipërinë. "Policia shqiptare ka qenë nën presionin e një prej partnerëve tanë për të vepruar. Është një nga vendet partnere të cilat janë skeptike sa u përket kushteve të Shqipërisë për integrimin, veçanërisht luftën kundër krimit dhe korrupsionit. Është dekonspiruar plani i Taulant Ballës dhe strukturave brenda Policisë së Shtetit", u shpreh Lulzim Basha. Sipas kreut të demokratëve, destinacioni i parave do të ishte ndërtimi i kullave në kryeqytet, duke hedhur akuza në adresë të kryeministrit dhe kryebashkiakut Veliaj.
NEGOCIATAT
Kryedemokrati Lulzim Basha paralajmëroi përgjigje negative për negociatat me BE. Basha tha se përkundër dëshirës së shqiptarëve dhe përpjekjes së opozitës, Bash- "Balla merret me pastrimin e parave të drogës. Kanë kaluar te heroina e kokaina dhe pastrimi i parave të pista. 1.5 mln euro ka qenë pakti, marrëveshja është garantuar nga Balla, ky ka hyrë garant. Për këtë jam i siguruat, do ta vërtetojnë faktet. Ku do shkojnë këto para? Çfarë e lidh Tahirin, Xhafajn, Ballën, përveç Edi Ramës. Pastrimi i parave, ndërtimi i kullave", tha z. Basha.