“ALEKSANDRIA RA” Udha e panjohur e shiut te librat e Bibliotekës Kombëtare, Asllani: Jam e dëshpëruar...

Drejtoresha: 2- 3 cm ujë 13 metra nën tokë, nuk i dimë shkaqet

Unë mbaj dësh përimin tim për këtë që ka ndodhur, për fatin dhe situatën e rëndë në të cilën është lënë trashëgimia. Ky është problem i të gjithëve dhe përgjegjësi morale e të gjithëve”. Persida Asllani u gjend ngushtë dje para mediave, kur duhej të thoshte se ajo dhe punonjësit e saj po bëjnë maksimumin për të shpëtuar librat e lagur nga shiu e njëherësh duhej të mohonte se ka dijeni pse erdhi përmbytja. Ka mjaftuar një rrebesh shiu që mëngjesin e 23 qershorit, kati më i fundëm i Bibliotekës Kombëtare, 13 metra nën tokë të gjendej i përmbytur nga punonjësit e saj. Uji që ka mbërritur 23 cm lartësi ka dëmtuar 12 mijë njësi bibliotekare. Ngjarja është e pazakontë dhe ndodh për herë të parë. Dje para mediave, drejtoresha Persida Asllani dukej pothuaj e ‘ dorëzuar’ teksa përballej me “‘ 97- ën” e shkërmoqjes së institucioneve të kulturës, në të cilat nuk është vënë dore prej kur nuk mbahet mend. Para mediave, ajo mundi vetëm të përsërisë komunikatën e një dite më parë. Mbetet e panjohur ‘ udha’ që ka përshkuar uji deri në metrin e 13 nën tokë ku ruhen njësitë e Bibliotekës Kombëtare, të vendit që thotë se ka kulturën si pasaportë. Ndonëse vit pas viti, në secilën intervistë të dhënë Persida Asllani e paraardhësit e saj kanë folur për nevoja urgjente të restaurimit të godinës, e gjetjes së më shumë hapësirave, u desh përmbytja që të kuptohej se “Aleksandria ra”. Asllani dje nuk kish shumë për thënë. Hetimi duket se nuk ka nisur ende. Si të mos mjaftonte, në të katërtën ditë pas përmbytjes, kur librat po thahen me tharëse flokësh e letra kuzhine, ende nuk ka një raport se nga hyri uji, pse erdhi përmbytja, kush është fajtor, çfarë ka ndikuar në depërtimin e ujit në hapësirat e nëndheshme të BK- së. Katër ditë më vonë, drejtoresha Asllani flet për vënie raportesh mes saj dhe institucioneve përkatëse profesionale që do të gjejnë fajin dhe fajtorin. Katër ditë më vonë, ende nuk ka përgjigje, nëse janë punimet që po bëhen në shesh që kanë dëmtuar kanalizimet a kolektorët e ujërave të bardha e të zeza që lidhin sheshin ‘ Skënderbej’ me Bibliotekën që gjendet në krah të tij. Nuk dihet as nëse uji ka hyrë nga ana e Operës, nga ana e sheshit, apo nga krahu i xhamisë. Katër ditë më pas, ka vetëm pasoja, por jo shkaqe.

KONFERENCA

Konferenca për mediat u lajmërua në drekë dhe u mbajt në orën 15: 00. Me të dalë para kamerave, Asllani citoi komunikatën e një dite më parë, ku thuhej se numri i njësive të prekura nga lagështira është 12 mijë. “75% e librave të dëmtuar janë tharë, po punohet për pjesën e mbetur. Natyra e teksteve të lagura është e 15 viteve të fundit, janë libra shkollorë, letërsi, të cilat për shkak të mungesave të hapësirës nuk kanë mundur të ruhen sipas standardeve. Puna që po kryhet për tharjen e tyre bazohet te udhëzuesit profesional botëror, edhe pse mund të shihni letra kuzhine dhe tharësve flokësh, janë respektuar standardet. Po punohet me shpejtësi dhe ka një sasi pune të konsiderueshme. Janë marrë masa për vendosjen e materialeve në një mjedis të thatë, me aspirim, kemi hapur dritaret dhe kemi përdorur ventilator apo edhe tharëse flokësh. Situata është tërësisht nën kontroll”. Kur mirëpriti pyetjet, Asllani nuk i kishte përgjigjet. E pyetur për shkaqet, ajo tha se “as unë e askush në Bibliotekën Kombëtare nuk e ka ekspertizën për t’i dhënë përgjigje pyetjes suaj. Për këtë, duke pasur të njëjtin shqetësim ne u jemi drejtuar strukturave profesionale, që njihen institucionalisht, për të sjellë ekspertizën e tyre për të kuptuar çka ndodhur. Deri para 3 ditësh nuk ka pasur raste përmbytjesh. Ende nuk e kuptojmë, nuk shohim rrjedhje anësore uji, por shohim lagështirë në dysheme. E kemi të vësh- tirë të kuptojmë. Do presim gjykimin e ekspertëve”, tha ajo para mediave. Theksoi me këtë rast, pas pyetjeve se, BK nuk është në standardet e duhura, gjë që është çështje e ngritur vazhdimisht. “BK është jashtë çdo standardi. Po punojmë në rrethana e në kushte të vështira njerëzore e profesionale”. Pas interesimit të medias, ajo tha se uji ka hyrë në atë që është kuota më e ulët e BK, kati më i nëndheshëm, 13 metra nën tokë e nga sa kuptohet nga gjurmët, ka arritur lartësinë 2- 3 cm . “Në bibliotekë nuk duhet të hyjë uji, ndaj nuk kemi si marrim masa. Kemi marrë masa që në rast se do të ketë një depërtim të dytë të ujit, librat të mos lagen më. I kemi lëvizur prej aty”, tha ajo. E pyetur nëse uji ka hyrë nga punimet në shesh, Asllani tha: “Nuk e kemi ekspertizën për të gjykuar rreth kësaj gjëje. I jemi drejtuar Institutit të

Përmes një deklarate ka ardhur edhe reagimi i Presidentit të Republikës, Ilir Meta. Në të thuhet se presidentit “po ndjek me shqetësim situatën e krijuar në Bibliotekën Kombëtare, këtë institucion të rëndësishëm të trashëgimisë tonë të pasur kulturore. Në vijimësi kabineti i tij po ndjek nga afër situatën dhe është në komunikim me drejtoreshën e Bibliotekës Kombëtare”. Në reagim Presidenti i Republikës u bën thirrje i n s t i t u c i o n e v e përgjegjëse të marrin masa urgjente në mënyrë që të parandalojnë përsëritjen e një situate të ngjashme në të ardhmen. “Duke kërkuar mirëkuptimin e të gjithë faktorëve politikë, socialë e mediatikë, Presidenti bën thirrje që të gjithë bashkë të kontribuojmë për të ruajtur vlerat e pasura të fondit të Bibliotekës sonë Kombëtare”, përfundon deklarata.