Shtyrja e negociatave, SHBA- BE: Shqipëria të përmbyllë reformat

Ambasadori Lu: Përgëzojmë Shqipërinë, rrisni ritmin e luftës ndaj krimit e korrupsionit Vlahutin: Shqipëria mori 3 mesazhe pozitive nga BE

Selitë diplomatike më të rëndësishme në Ti ranë, delegacioni i BEsë dhe Ambasada e SHBA- ve përgëzuan dje hapjen e negociatave për Shqipërinë në 2019- ën, por përfaqësuesit e tyre apelojnë për përmbylljen e reformave kyçe. Për ambasadoren e Bashkimit Europian në Tiranë, Romana Vlahutin, Shqipëria mori 3 mesazhe pozitive që lidhen me njohjen e progresit, datën e hapjes së negociatave dhe nisjen e menjëhershme të punës. "Shqipëria ka marrë tri gjëra shumë të rëndësishme pozitive. E para, njohja e rekomandimeve dhe e gjithë punës dhe reformave që janë bërë në Shqipëri. E dyta, një kalendar i qartë, një datë shumë të qartë për konferencën ndërqeveritare dhe kjo është shumë e rëndësishme. Së treti, Këshilli i Përgjithshëm ka pranuar që komisioni të nisë punën përgatitore. Kjo punë përgatitore është mjaft e madhe", tha Romana Vlahutin. Ambasadorja e Bashkimit Europian në Tiranë përmendi se kalendari i vendosur nga ministrat e Jashtëm të BE- së është për hapjen e negociatave në muajin qershor të vitit 2019, nëse gjithçka shkon sipas parashikimeve. Në përgjigje të interesit të gazetarëve, nëse në qershor të vitit të ardhshëm do të hapen negociatat, apo nëse do të merret vendimi për hapjen e negociatave në një datë tjetër, Vlahutin tha: "Po, po, ky është kalendari. Dhe kjo është ajo çfarë do të dëgjoni nga ambasadori i ardhshëm i BE- së në Tiranë, por ky është qëllimi. Nuk mund t'ju them për këtë një vit përpara, por ky është kalendari. Në botën e BE- së kjo tregon se ka një angazhim për këtë datë. Pra, kalendari është shumë i qartë, por në ditët në vijim kur të kemi të gjitha de- tajet, do t'i ndajmë me ju". Ambasadorja u shfaq e lumtur për vendimin e ministrave të Jashtëm të BE- së. "Megjithatë, unë mund t'ju them se për veten, për delegacionin për të gjithë kolegët që po punojnë fort për Shqipërinë në Bruksel jemi të lumtur. Sepse na jep mundësinë që të lëvizim me një ritëm më të shpejtë dhe të fillojmë përgatitjet. Kjo punë përgatitore është mjaft e madhe dhe kërkon kohën e saj. Kur bëhet fjalë për elementet dhe detajet, në momentin që t'i marr vesh, do t'i ndaj edhe me ju. Por është një punë që do të kryhet nga ana e BE- së dhe nga ana e Shqipërisë", theksoi zj. Vlahutin. Edhe ambasada e SHBA- ve përgëzoi Shqipërinë pas vendimit të ministrave të Jashtëm të BE- së për të hapur negociatat me Shqipërinë dhe Maqedoninë në verën e vitit 2019, nëse plotësohen disa kushte të paracaktuara. Në një deklaratë për media, Ambasada e SHBA- ve në Tiranë tha se Shqipëria ka bërë përparim domethënës dhe se tani nevojitet të rrisë përpjekjet për të përfunduar reformat kyçe. "Përgëzojmë Shqipërinë për vendimin pozitiv në lidhje me hapjen e bisedimeve për anëtarësim në BE. Shqipëria ka bërë përparim domethënës dhe tani nevojitet të rrisë përpjekjet për të përfunduar reformat kyçe. Ne e nxisim Shqipërinë që të rrisë ritmin në reformën në drejtësi, luftën kundër korrupsionit dhe kundër krimit të organizuar", thuhet në deklaratën e Ambasadës së SHBA- ve në Tiranë.