Menaxhimi i fondeve, KLSH merr në auditim 7 universitete
Monitorimi i Qëndresës Qytetare zbardh shumat marramendëse për luksin e zyrave "Investimet për studimet shkencore janë zero"
institucione të arsimit të lartë në vend do të vihen nën auditimin e Kontrollit të Lartë të Shtetit për sa i përket menaxhimit të fondeve në universitete. Akuzat për abuzimet me financat kanë ardhur nga monitorimi i kryer në periudhën shtator 2017- qershor 2018, nga organizata Qëndresa Qytetare. Sipas këtij studimit, shpenzimet për kërkimet shkencore në Universitetin e Tiranës, të Durrësit dhe të Elbasanit janë zero. "Të tre universitetet publike janë më larg shkencës dhe më pranë luksit të zyrave. Nuk kanë shpenzuar asnjë vlerë për nënkategorinë studime dhe kërkime përgjatë një viti akademik",- thanë përfaqësuesit e Qëndresës Qytetare dje gjatë takimit me përfaqësues të KLSH- së. Në monitorim është zbuluar se paratë e tarifave të studentëve dhe të ardhurat nga buxheti i shtetit janë shpenzuar përkatësisht për investime luksi dhe zyrash.
RAPORTI I DETAJUAR
Sipas raportit përfundimtar mbi 1 miliardë lekë të vjetra ka shpenzuar Universiteti i Durrësit për rikonstruksione ndërtesash dhe pajisje zyrash, ndërsa Universiteti i Elbasanit ka blerë një automjet pranë kompanisë Hyndai në vlerën 76 milion lekë të vjetra. Më tej në monitorim bëhet me dije se referuar pagesave të faturave për energji elektrike, Universiteti i Tiranës, megjithëse ka në menaxhim më shumë godina funksionale se dy universitetet e tjera, ka shpenzuar 7 herë më pak se ai i Elbasanit dhe 14 herë me pak se universiteti i Durrësit, i cili ka shpenzuar ekzaktësisht 14,341,150 lekë për këtë nënkategori. "Për nënkategorinë Ujë, konsumatori më i madh është Universiteti i Elbasanit duke kryer transaksione me vlerë shumë më të madhe se dy universitet e tjera, 5,456,404 lekë, kundrejt shumës 311,000 lekë të Universitetit të Tiranës dhe 497,052 lekë të Universitetit të Durrësit",nënvizohet në raport. Ndërkohë drejtori ekzekutiv i Qëndresës Qytetare, Rigels Xhemollari thotë për ' Gazeta Shqiptare' se studentët meritojnë një sistem arsimor modern. "Me këto zbulime kërkojmë që të zg- jojmë studentët nga apatia që të kërkojnë më shumë llogari nga universiteti i tyre, sepse janë ata që paguajnë tarifat më të larta në Europë dhe familjet e tyre që sakrifikojnë kaq shumë për ta. Ata meritojnë një sistem arsimor modern dhe jo universitete që i japin vetëm ambiente dhe salla boshe",u shpreh Xhemollari. Ky i fundit shtoi se sa më shumë të kërkohet llogari, aq më demokratike do jenë universitetet dhe aq më shumë do të rritet transparenca. Sipas raportit, Universiteti "Aleksandër Xhuvani" ka kryer një transfertë me vlerë 319,440 lekë kundrejt përfituesit "Alban Tirana NASCENDO AL" me përshkrim fature "1011099 Universiteti Aleksandër Xhuvani abonim karte TV urdhër nr 304 dt 22.12.2017 ft nr 393544435" në kategorinë shërbime të printimit dhe publikimit. "Së pari, studentët duhet të informohen se paratë e tyre po shkojnë për një shpenzim luksi për zyrat e drejtuesve siç është abonimi tv, ndërkohë që ambientet universitare nuk kanë internet falas, së dyti kjo vlerë nuk përkon me vlerat reale të tregut të operatorëve dixhitalë dhe së treti, ky transaksion është
Sipas raportit, universiteti "Aleksandër Xhuvani" ka kryer një transfertë me vlerë 319,440 lekë me përshkrim fature "1011099 universiteti Aleksandër Xhuvani abonim karte TV, urdhër nr. 304 dt. 22.12.2017", në kategorinë shërbime të printimit dhe publikimit.